Ýnıversıada: Qazaqstan qorjynyna ekinshi altyn medal tústi

Búgin AQSh-tyń Leık-Plesıd qalasynda ótip jatqan qysqy ýnıversıadada Qazaqstan quramasynyń qorjyny taǵy bir altyn medalmen tolyqty. Tuǵyrdan sekirý jarysynda Danıl Vasılev qarsylas shaq keltirmeı, ýnıversıadanyń chempıony atandy.

Otandasymyz kishi tramplınde (K-90) 257.3 upaı jınady. Alǵashqy múmkindiginde 127.2 ball, al fınalda 130.1 upaıǵa ıe boldy.

Qalǵan qos medal avstrııalyq atlettiń enshisinde. Kúmis júlde Maksımılıan Lınerge, qola medal Tımon Paskal Kahoferge buıyrdy.

Taǵy bir sportshymyz Sergeı Tkachenko jetinshi, Nıkıta Devıatkın toǵyzynshy, Svıatoslav Nazarenko 21-shi, Maǵjan Amangeldiuly 22-satydan kórindi.

Sondaı-aq, keshe mánerlep syrǵanaýshy Mıhaıl Shaıdorov júldege bir taban jetpeı qaldy. Ol qysqa baǵdarlamada altynshy, al erkin baǵdarlamada úshinshi nátıje kórsetip, jalpy 231,08 upaı jınady. Qola medal úshin talasta Mıhaıl qarsylasynan 0,25 upaı az aldy. Mánerlep syrǵanaýdan erler arasyndaǵy jarysqa 19 eldiń 31 sportshysy qatysty.

Qazir Qazaqstan delegaııasy eki altyn medalmen jalpy esepte altynshy orynǵa kóterildi. Ýnıversıada 22 qańtarǵa deıin jalǵasady.

Shamken BAIYRBEK,

ASTANA