Qazaqstan boksshylary Azııa chempıonatynda 20 júlde jeńip aldy

Bokstan Qazaqstan ulttyq quramasy Taılandtyń Bangkok qalasynda 22 jasqa deıingi jastar arasynda ótken Azııa chempıonatynda 20 medaldi jeńip aldy.

Qazaqstannyń áıelder jáne erler quramalary 5 altyn, 3 kúmis jáne 12 qola júldege ıe boldy. Osy kórsetkishpen otandastarymyz  jalpy komandalyq esepte ekinshi orynǵa shyqty. О́zbekstannyń ókilderi 21 (14, 4, 3) júldemen tizimde kósh bastady. Úzdik úshtikti sharshy alańnyń ıeleri – Taıland boksshylary (3, 4, 2) túıindedi.

Qazaqstannyń erler quramasynda Sanjar Tashkenbaı (48 kg), Nursultan Altynbek (54 kg), Mahmud Sabyrhan (57 kg) Azııa chempıony atansa, áıelder komandasynda Jasmın Qızatova (70 kg) men Gúlsaı Erjan (81 kg) qurmet tuǵyryna kóterildi.

Kúmis medal Abzal Serik (67 kg), Sabyrjan Aqqalyqov (71 kg) pen Dıas Moljigitovke (75 kg) buıyrdy.

Qola júldeni Talǵat Syrymbetov (60 kg), Muhammedsabyr Bazarbaıuly (63,5 kg), Erasyl Jaqpekov (80 kg), Erhat Bekzat (92 kg) pen Amanat Sabyrǵalı (92 keliden asa salmaq ) aldy. Áıelder arasynda Móldir Toıqova (50 kg), Ánel Saqysh (54 kg), Vıktorııa Grafeeva (57 kg), Shahnaz Isaeva (60 kg), Nazerke Serik (63 kg), Aqnar Esjanova (66 kg) men Dana Dıdaı (75 kg) qola júldeni qanaǵat tutty.

Dastan KENJALIN,

ASTANA