فۋتبولدان قازاقستان چەمپيوناتىنىڭ كۇنتىزبەسى جاريالاندى

قازاقستاننىڭ كاسىپقوي فۋتبول ليگاسى ەل چەمپيوناتىنىڭ جانە كۋبوگىنىڭ ويىن كۇنتىزبەسىن جاريالادى.

بيىل پرەمەر-ليگا كوماندالارى اراسىنداعى ەل چەمپيوناتىنا 14 كوماندا سىنعا تۇسەدى. ولاردىڭ قاتارىندا «جەتىسۋ» (تالدىقورعان)، «اقتوبە»، «استانا»، «شاحتەر» (قاراعاندى)، «ورداباسى» (شىمكەنت)، «كاسپي» (اقتاۋ)، «توبىل» (قوستاناي)، «اقسۋ» (پاۆلودار وبلىسى)، «قايرات» (الماتى)، «اتىراۋ»، «قايسار» (قىزىلوردا)، «قىزىلجار» (پەتروپاۆل)، «ماقتارال» (تۇركىستان وبلىسى)، «وكجەتپەس» (كوكشەتاۋ) كوماندالارى بار.

العاشقى تۋردا 4-5 ناۋرىز كۇندەرى «جەتىسۋ» مەن «اقتوبە»، «استانا» مەن «شاحتەر»، «ورداباسى» مەن «كاسپي»، «توبىل» مەن «اقسۋ»، «قايرات» پەن «اتىراۋ»، «قايسار» مەن «كىزىلجار»، «ماقتارال» مەن «وكجەتپەس» كوماندالارى كەزدەسەدى.

سوڭعى تۋر 28-29 قازان كۇندەرى وتەدى.

قازاقستان كۋبوگىنىڭ فينالى 4 قاراشاعا بەلگىلەنگەن.

سۋپەركۋبوكتىڭ ويىنى  «استانا ارەنا» ستاديونىندا 25 اقپان كۇنى بولادى. وندا وتكەن جىلى ەل چەمپيونى اتانعان «استانا» مەن قازاقستان كۋبوگىنىڭ يەگەرى شىمكەنتتىڭ «ورداباسى» كلۋبى كەزدەسەدى.

داستان كەنجالين،

استانا