SportPress.kz Qazaqstan sport jańalyqtary
Marokko elinde ótken «Golden Belt Series Marrakesh» («Altyn belbeý») halyqaralyq týrnırinde elimizdiń áıelder quramasy medaldar kestesinde birinshi oryn aldy.
Halyqaralyq týrnır 2-10 aqpan aralyǵynda Marrokkonyń Marrakesh qalasynda ótti. Onda barlyǵy 34 elden kelgen bylǵary qolǵap sheberleri baq synady. Qazaqstan atynan jarysqa barlyǵy 12 boksshy qatysty.
Týrnırde otandastarymyz 10 medaldi jeńip aldy. Onyń ishinde beseýi altyn júldeni, ekeýi kúmis medaldi, úsheýi qola júldeni ıelendi.
Altyn medaldi Alýa Balqybekova (48 kg), Nazym Qyzaıbaı (50 kg), Jaına Shekerbekova (54 kg), Karına Ibragımova (57 kg) men Valentına Halzova (75 kg) aldy.
Aıda Ábikeeva (63 kg) men Lázzat Kúngeıbaeva (81 keliden asa salmaq) kúmis júldeni ıelense, qola medal Nadejda Rıabe (66 kg), Mádına Nurshaeva (70 kg) men Farıza Sholtaıǵa (81 kg) buıyrdy.
El quramasynan Jazıra Oraqbaeva (52 kg) men Vladıslava Kýhta (60 kg) júldesiz qaldy.
Medaldar kestesinde eki altyn júldemen Reseı quramasy ekinshi oryn alsa, bir-bir sportshylary týrnırdiń jeńimpazy atanǵan Italııa, Taıvan, Mozambık pen Marokko úshinshi orynnan bastap, tómen oryndardy qanaǵat tutty.
Dastan KENJALIN,
ASTANA
FOTO: Qazaqstan boks federaııasy
