Qazaqctannyń birinshi raketkasy Aleksandr Býblık qatarynan 10 ret jeńildi

Tennısten elimizdiń birinshi raketkasy Aleksandr Býblık halyqaralyq týrnırde taǵy da jeńilip qaldy. Ol Nıderlandtyń Rotterdam qalasynda ótip jatqan týrnırde birinshi aınalymynan shyǵa almaı, qarsylasy — shveıarııalyq Sten Vavrınkadan 6:7, 4:6 esebimen utyldy.

Osylaısha, Býblık qatarynan onynshy ret jeńilip qaldy. Bıyl Qazaqstannyń úzdik tennısshisi áli birde-bir ret jeńiske jetken joq. Ol sońǵy ret byltyr  27 qazanda Shveıarııanyń  Bazel qalasynda ótken týrnırde 1/8 fınalda ıspanııalyq Albert Ramos-Vınolasty — 6 :3, 6:3 jeńgen edi.  Sodan keıin tórt aıdan beri jeńilisten kóz ashpaı,  qarsylastaryna ese jiberip keledi.

Munyń aldynda ol Franııanyń Monpole qalasynda ótken ATR týrnırinde alań ıesi Gregýara Barrerdan 4:6, 7:6(14:12), 6:7(3:7) esebimen jeńilip, jankúıerlerdiń kózinshe minez kórsetip, bir raketkasyn kortta, taǵy ekeýin alańnyń syrtynda syndyryp tastaǵan bolatyn. Onyń bul áreketi jankúıerler tarapynan synǵa ushyrady.

Býblık Dúnıejúzilik tennıs qaýymdastyǵynyń reıtınginde 50-orynda keledi.

Dastan KENJALIN,

 ASTANA