Strandja-2023: Qazaqstan boksshylary kelesi aınalymǵa shyqty (VIDEO)

Bolgarııanyń Sofııa qalasynda kesheli beri ótip jatqan halyqaralyq Strandja kýbogy úshin týrnırde elimizdiń bes boksshysy 1/8 fınalǵa shyqty.

Buǵan deıin jarystyń ekinshi kúni Qazaqstan quramasynyń bes boksshysy sharshy alańǵa shyǵatynyn habarlaǵan bolatynbyz. Solardyń ekeýi – kúndizgi, úsheýi keshki sessııada qolǵap túıistirdi.

Kúndizgi aıqastardy birinshi bolyp rıngke kóterilgen 57 kelige deıingi salmaqtaǵy Orazbek Asylqulov bastady. Ol ırlandııalyq Djýd Gallahermen kezdesti. Jekpe-jek qazaq boksshynyń basymdyǵymen aıaqtaldy. Tóreshiler 4:1 esebimen jeńisti Asylqulovqa berdi.

Birinshi raýnda qazylar basymdyqty ırland jigitke bergen edi. Sodan keıin baryn salǵan Orazbek aqyry jeńis tuǵyrynan kórindi. Tómende sol kezdesýdiń vıdeosy jarııalanyp otyr.

Kelesi sportshymyz – 63,5 kelige deıingi salmaqtaǵy Ertýǵan Zeınýllınov ıspan Konde Oıera Ibarechchemen qolǵap túıistirdi. Qorytyndyda otandasymyz jeńiske jetti.

Endi onyń 1/8 fınaldaǵy qarsylasy grýzın Lashı Gagnıdzeni utqan ózbek Mýjıbýllo Týrsýnov bolǵaly tur. Bul kezdesý búgin bolady.

Keshe el quramasynan 1/16 fınalda keshki sessııada úsh bylǵary qolǵap sheberi sharshy alańǵa shyqty. Olardyń qatarynda Tezek Temirhan (67 kg) bolgarııalyq Plamen Iankovty 4:1, 86 kg salmaqtaǵy Bekzat Tańatarov úndistandyq Kartıkti 5:0 esebimen jeńip, jarystyń kelesi satysyna shyqty.

Al 54 kelide Bekzat Aldamjarov franııalyq Bıllal Bennamaǵa 0:5 esebimen ese jiberip, jarystan tys qaldy.

Búǵan deıin 20 aqpanda Erasyl Tańqaı (60 kg) ıtalııalyq Danıele Salernony tize búktirdi.

Dastan KENJALIN,

ASTANA