Strandja-2023: О́zbekstan boksy taǵy bir jetistikke jetti

26 aqpan kúni Bolgarııa astanasy – Sofııa qalasynda Strandja kýbogy úshin ótken halyqaralyq týrnırde О́zbekstan boksy taǵy bir jetistikke jetti.

Gazeta.uz saıtynyń habarlaýynsha, keshe Tashkent áýejaıynda sport fýnkıonerler men qala jurtshylyǵy ózbek eliniń mereıin kóterip qaıtqan boksshylaryn kútip alǵan.

Sońǵy kezderi «kishi álem chempıonaty» degen janama ataýǵa ıe bolyp júrgen halyqaralyq týrnırge О́zbekstan erler quramasy 27 boksshydan turatyn úsh quram alyp bardy. Nátıjesinde olar jarystan 7 altyn, 4 kúmis jáne 5 qola, barlyǵy 16 medal alyp qaıtty. Budan basqa, áıelder quramasy eldiń ortaq qorjynyna 1 kúmis, 1 qola medal qosty.

Osylaısha ózbek jigitteri jalpy komandalyq esepte birinshi oryndy talassyz jeńip aldy. Ekinshi orynǵa 4 altyn, 1 kúmis jáne 1 qola medal alǵan alań ıeleri – Bolgarııa komandasy ornalasty. Úshinshi oryn 1 altyn, 2 qola medal alǵan AQSh quramasyna buıyrdy. Tórtinshi orynǵa – Brazılııa, besinshi orynǵa – Armenııa, altynshy orynǵa Úndistan jaıǵasty. Al Qazaqstan jasaǵy 1 kúmis, 1 qola medal jınap, Túrkııa jáne Italııa tarlandarymen birge 7-9-oryndardy bólisti.

Bir qyzyǵy, týrnırde 4 jekpe-jek ótkizýge tıisti bolǵan asa aýyr salmaqtaǵy ózbek Bahodır Jalolov bir ǵana ashyq shaıqaspen altyn medal aldy. Ol 1/8 fınalda AQSh ókili Joshýa Edvardsty 5:0 esebimen utty. Odan keıin shırek fınalda Qamshybek Qońqabaev, jartylaı fınalda  ázerbaıjandyq lezgın Mahammad Abdýllaev, al fınalda armıan Davıt Chaloıan onymen kezdesýge shyǵýdan bas tartty.

Bıylǵy jyly 74-shi ret ótkizilgen ejelgi týrnırge 42 elden 450 bylǵary qolǵap sheberi qatysty.

Týrnır 20 aqpan kúni bastalyp, 26-sy kúni aıaqtaldy.

Júldegerler tizimi:

48 kg: 1. Shodıerjon Melıkýzıev (О́zbekstan), 2. Sahanı Kýmır (Úndistan), 3. Ergýnal Sebantın (Bolgarııa), Lýka Kýblashvılı (Grýzııa);

51 kg. 1. Hasanboı Dýsmatov (О́zbekstan), 2. Ramon Nıkanor Kýroga (Argentına), 3. Jıamao Zang (Qytaı), Bıshvamıtra Chontham (Úndistan);

54 kg. 1. Iasen Radev (Bolgarııa), 2. Mırazızbek Mırzahalılov (О́zbekstan), 3. Sachın (Úndistan), Federıko Serra (Italııa);

57 kg. 1. Jaber Dıas (Bolgarııa), 2. Orazbek Asylqulov (Qazaqstan), 3. Chıftchı Batýhan (Túrkııa), Artýr Bazeıan (Armenııa);

60 kg. 1. Radoslav Rosenov (Bolgarııa), 2. Abdhamjon Mýhıddınov (О́zbekstan), 3. Shýnkor Abdýrasýlov (О́zbekstan), Dılshod Abdýmýrodov (О́zbekstan);

63,5 kg. 1. Mýjıbıllo Týrsýnov (О́zbekstan), 2. Rýslan Abdýllaev (О́zbekstan), 3. Maks MakLerı (Avstralııa), Emılıo Garsııa (AQSh);

67 kg. 1. Asadhýdja Mýıdınhýdjaev (О́zbekstan), 2. Bekzod Hamıdov (О́zbekstan), 3. Gýrgen Madoıan (Armenııa), Sebastıan Terterıan (Danııa);

71 kg. 1. Saıdjamshıd Jafarov (О́zbekstan), 2. Erdemır Týgrýlhan (Túrkııa), 3. Nıkolaı Terterıan (Danııa), Nýrıslom Ismoılov (О́zbekstan);

75 kg. 1. Ramı Kıvan (Bolgarııa), 2. Vılıam Cholov (Bolgarııa), 3. Nurqanat Raıys (Qazaqstan), Havasbek Asadýllaev (О́zbekstan);

80 kg. 1. Robbı Gonsales (AQSh), 2. Ambarým Akopıan (Armenııa), 3. Jasýrbek Iýldashev (О́zbekstan), Kelın Kassıda (Irlandııa);

86 kg. 1. Shahjahon Abdýllaev (О́zbekstan), 2. Vıncheno Lızzı (Italııa), 3. Georgıı Kýshıtashvılı (Grýzııa), Tomas Nıedzıevskı (Polsha);

92 kg. 1. Keno Machado (Brazılııa), 2. Jýlıo Kastılo (Ekvador), 3. Vagkan Nanıtzanıan (Grekııa), Djeımer Tıllı (AQSh);

+92 kg. 1. Bahodır Jalolov (О́zbekstan), 2. Davıt Chaloıan (Armenııa), 3. Mahammad Abdýllaev (Ázerbaıjan), Abner Jýnıor (Brazılııa).

 

Cerik PIRNAZAR,

QYZYLORDA