«Azııa balalary» oıyndary: Meıirjan Tólegen altyn júlde aldy

Elimizdiń short-trekten qurama komandasy Reseıdiń Kýzbass oblysynda ótip jatqan «Azııa balalary» II qysqy oıyndaryn tabysty aıaqtady.

Búgin 1000 metrge jarysta Meıirjan Tólegen chempıon atansa, Madııar Madıhov qola júldeni ıelendi. Fınalda óner kórsetken Əlibı Əlimgereev pen Erasyl Shyńǵyshan tórtinshi jəne besinshi orynnan kórindi.

Short-trekten ulttyq quramanyń bas jattyqtyrýshysy Danabek Haırov shəkirtteriniń nətıjesin jaqsy dep baǵalap, komanda sońǵy kúni altyn medal alýǵa baryn salǵanyn aıtty.

Sońǵy kúni altyn medal alýǵa barymyzdy saldyq. Bizge jetpeı turǵany sol ǵana edi. Jalpy enshimizde 6 júlde bar. Menińshe, barlyq sportshy jaqsy óner kórsetti. Ər qaısy kem degende elge bir júldemen oralady. 2019 jylǵy alǵashqy oıyndarda bir altyn, bir kúmiske ıe bolǵanbyz. Osy joly sol kórsetkishti jaqsartqanymyzǵa qýanyshtymyn, — dedi ol Mádenıet jáne sport mınıstrligi Sportty damytý dırekııasynyń baspasóz qyzmetine bergen suhbatynda.

Osyǵan deıin «Azııa balalary» oıyndarynda  short-trekshiler tórt júlde jeńip alǵan edi. Alǵashqy kúni 1500 metrge arnalǵan synda Meıirjan Tólegen kúmis, Málıke Joltabar qola júldeger atandy. Al keshe 3 shaqyrym estafetada uldar quramasy mərege ekinshi, qyzdar úshinshi bolyp kelgen.

Shamken BAIYRBEK,

ASTANA