رەسەي مەن بەلارۋسكە جارىستارعا قاتىسۋعا رۇقسات بەرىلدى

حالىقارالىق سەمسەرلەسۋ فەدەراتسياسى (FIE) رەسەي مەن بەلارۋس ازاماتتارىنا جارىستارعا قاتىسۋعا رۇقسات بەردى.

Inside the Games پورتالىنىڭ حابارلاۋىنشا، مۇنداي شەشىم 10 ناۋرىزدا وتكەن كەزەكتەن تىس وتىرىستا قابىلدانعان.

قاۋلى 2023 جىلدىڭ ءساۋىر ايىنىڭ ەكىنشى جارتىسىندا كۇشىنە ەنەدى. اتاپ ايتقاندا، شىلدە ايىندا يتاليانىڭ ميلان قالاسىندا وتەتىن الەم چەمپيوناتىنا رەسەيلىك جانە بەلورۋس سپورتشىلارى قاتىسا الادى. 2024 جىلعى وليمپيالىق ويىنداردىڭ ىرىكتەۋ ويىندارى دا وسىندا وتەدى.

FIE رەسەيلىكتەر مەن بەلورۋستارعا جارىستارعا قاتىسۋعا رۇقسات بەرگەن ەكىنشى ۇيىم بولدى. بۇعان دەيىن حالىقارالىق بوكس قاۋىمداستىعى (IBA) دا وسىنداي شەشىم قابىلداعان بولاتىن.

داستان كەنجالين،

استانا