Júlde qory – 75 mıllıon teńge: Shymkentte respýblıkalyq etno festıval ótedi (KESTE)

20 – 22 naýryz aralyǵynda Shymkent qalasynda ulystyń uly kúni Naýryz meıramyn toılaý jáne jańa ıppodromnyń ashylýy aıasynda GREAT QAZAQ GAMES respýblıkalyq etnofestıvali ótedi. BIG QAZAQ GAMES – kóshpendilerdiń ulttyq kody negizindegi olımpıadanyń analogy. Bul týraly halyq-uni.kz habarlady.

Jobanyń negizgi maqsaty – ulttyq qundylyqtarymyzdy dáriptep, óskeleń urpaqqa nasıhattaý, babalar amanatynyń ǵasyrdan ǵasyrǵa jetýine yqpal etý, Ádiletti Qazaqstannyń árbir azamatynyń ónerin, qabiletin baǵalaý, qoldaý, qurmetteý, ońtústik óńirdiń sán-saltanatyn arttyrý, óńirlerdiń ózara dostyǵyn, qarym-qatynasyn nyǵaıtý.

Shymkenttegi aıtýly is-sharaǵa Qazaqstannyń barlyq óńirlerinen basqa, Qyrǵyzstan, О́zbekstan men Ázerbaıjan eliniń ókilderi qatysady.

Festıval aıasynda myna kategorııalar boıynsha jarys ótedi:

Ulttyq taǵamdar: et asý, sirne, qýyrdaq, baýyrsaq, jent, qymyz, shubat;

Ulttyq oıyndar: kókpar, alaman báıge, top báıge, qunan báıge, teńge ilý, aýdaryspaq, qazaq kúresi, sadaq atý, jamby atý;

Ulttyq kıim: erler kıimi, shapan, kamzol, úılený kıimi, sáýkele, taqııa;

Ulttyq óner: aıtys, jyr-terme, dástúrli án, kúı qobyz, kúı dombyra, jetigen, bı.

Sondaı-aq «EŃ JAQSY KIIZ ÚI» 5 negizgi nomınaııa boıynsha jarystar ótedi, onda eń myqty sportshylar (ulttyq oıyndar), halyq óneriniń sheberleri (ulttyq taǵamdary, ulttyq kıimderi, mýzykanttar, qolónershiler jáne t.b.) qatysady. Is-sharanyń júlde qory – 75 mıllıon teńge.

Is-shara ótetin jerde 153 kıiz úıden turatyn etnıkalyq aýyl tigilip, saýda alańdary, balalar aımaqtary, ınteraktıvti is-sharalar (taǵam, óner, sán kórsetilimi) sııaqty túrli oıyn-saýyq sharalary josparlanǵan.

GREAT QAZAQ GAMES respýblıkalyq eto festıvaliniń 20 naýryzǵa arnalǵan baǵdarlamasy:

Festıval saǵat 11:00-de bastalyp, 18:00-ge deıin jalǵasady. Resmı ashylýy jańa ıppodromda ótedi.

Saǵat 12:30-da oıyndar bastalyp, túski saǵat 13:00-den keshki saǵat 17:00-ge deıin 4 nomınaııa boıynsha jarystar ótedi.

Qaladan arnaıy avtobýstar uıymdastyrylady. Ippodrom aýmaǵyna kirý tegin.

21 naýryzdaǵy baǵdarlama:

10:00 — Teatrlandyrylǵan báıge: úlken qazanda «Naýryz kóje» bas taǵamyn daıyndaý

11:00-14:00 – Tórt sanat boıynsha nomınaııa jarystary

14:00 – Marapattaý rásimi

15:00 – HASSAK mereıtoılyq konerti

15:00-18:00 – Sheberlik synyptary

19:00 – Astana alańynda úsh saǵattyq gala-konert

22 naýryzǵa arnalǵan baǵdarlama:

10:00 – Teatrlandyrylǵan báıge: úlken qazanda «Naýryz kóje» bas taǵamyn ázirleý;

11:00-14:00 – Tórt sanat boıynsha jarystar

14:00 – Marapattaý rásimi

15:00 – HASSAK mereıtoılyq konerti

15:00-18:00 – Sheberlik synyptary

19:00 – Astana alańynda úsh saǵattyq gala-konert