SportPress.kz قازاقستان سپورت جاڭالىقتارى
فۋتبولدان بيىلعى جاستار اراسىنداعى الەم چەمپيوناتى ۋاقتىلى وتپەسە، مۋنديال باسقا ەلدە وتكىزىلۋى مۇمكىن. بۇل تۋرالى حالىقارالىق فۋتبول فەدەراتسياسى (فيفا) مالىمدەدى.
فيفا-نىڭ جوسپارى بويىنشا يندونەزيادا وتەتىن الەم چەمپيوناتىنىڭ جەرەبە جەرەبە تارتۋ ءراسىمى 31 ناۋرىزدا بالي ارالدارىنىڭ ورتالىعى دەنپاسار قالاسىندا ءوتۋى كەرەك. بىراق سالتاناتتى راسىمگە ءبىر اپتادان از ۋاقىت قالسا دا فيفا ءالى كۇنگە دەيىن جەرەبە تارتۋ ءراسىمى تۋرالى ەشقانداي رەسمي اقپارات تاراتقان جوق.
ونىڭ ءبىر سەبەبى، يندونەزيا فۋتبول فەدەراتسياسى فيفا-دان الەم چەمپيوناتى وتەتىن قالالاردىڭ باستاپقى تىزىمىنە وزگەرتۋلەر ەنگىزۋدى سۇراعان. ال فيفا ونى ءالى بەكىتپەي جاتىر.
يندونەزيا باق-نىڭ حابارلاۋىنشا، بالي پروۆينتسياسىنىڭ گۋبەرناتورى ساياسي سەبەپتەرگە بايلانىستى يزرايل جاستار قۇراماسىنىڭ ارالدا ويناعانىن قالامايدى. جەرگىلىكتى تۇرعىندار دا وسى ماسەلەگە بايلانىستى بىرنەشە رەت قوعامدىق شەرۋلەر وتكىزگەن. سوندىقتان 20 مامىرعا جوسپارلانعان الەمس چەپيوناتىنىڭ باستالۋىن كەيىنگە قالدىرۋى مۇمكىن. ەگەر ماسەلە شەشىلمەي جاتسا ول باسقا ەلدە ءوتۋى ىقتيمال.
ەسكە سالا كەتسەك، U-20 الەم چەمپيوناتى يندونەزيادا 20 مامىر مەن 11 ماۋسىم ارالىعىندا وتەدى دەپ جوسپارلانعان.
داستان كەنجالين،
استانا
