Astanada Azııa chempıony atanǵan balýandar qomaqty aqsha alady

9 – 14 sáýir aralyǵynda Astanada grek-rım, erkin jáne áıelder kúresinen ótetin XXXVI Azııa chempıonaty bolady. Oǵan qurlyqtyń 24 elinen 300-den astam balýan qatysady. Olardyń arasynda Olımpııalyq oıyndardyń 7 júldegeri, 5 álem chempıony bolady.

Mádenıet jáne sport mınıstrligi Sport jáne dene shynyqtyrý isteri komıteti tóraǵasynyń orynbasary Aıgúl Bektenovanyń aıtýynsha, bul kúres dodasy Olımpıadaǵa lıenzııalyq týrnır emes. Ol Azııa oıyndary men álem chempıonatynyń aldyndaǵy negizgi jarystardyń biri bolyp esepteledi.

Bul jarysqa elimizidń qurama komandasy kúrestiń úsh túrinen qatysady. Barlyǵy 30 balýan kilemge shyǵady. Olardyń orta jasy grek-rım kúresinen – 29 jas, áıelder kúresinen – 25 jas jáne erkin kúresten – 24 jas bolyp keledi, –  dedi mınıstrliktiń ókili.

Sondaı-aq, ol chempıonat júldegerlerine beriletin aqshalaı syılyqtyń kólemin aıtty.

Onyń aıtýynsha, Azııa chempıony atanǵan balýandarǵa 2 300 dollar, ekinshi oryn alǵandarǵa 1 400 dollar jáne úshinshi oryn alǵan sportshyǵa 900 dollar syıaqy qarastyrylǵan. Osyndaı syıaqy jattyqtyrýshylarǵa da beriledi. Sonymen qatar, «Halyqaralyq dárejedegi sport sheberi» degen ataq qarastyrylǵan.

Dastan KENJALIN,

ASTANA