Qazaq-qyrǵyz «Kókpar» federaııalarynyń basshylary kezdesti

Búgin Astanada Ulttyq sport qaýymdastyǵynyń prezıdenti Islambek Saljanov pen «Kókpar» federaııasynyń prezıdenti Baýyrjan Isabaev Qyrǵyz Respýblıkasy «Kók bórú» federaııasynyń prezıdenti Talas Begalıevpen kezdesti. Bul týraly Halyq Uni habarlady.

Jıynda qatysýshylar qordalanǵan birneshe máselelerdi kóterip, olardy ońtaıly sheshý jóninde, sonymen qatar, kókpar sportynyń damýy men ondaǵy erejelerdi birlese bekitý jaıyn talqylady.

Odan bólek, taraptar kelesi jyly Qazaqstanda ótetin V-Kóshpendiler oıyndaryn óte joǵary deńgeıde ótkizý josparyn aıtyp, kókpar oıynyn búkil álemge pash etý úshin birlese, tyǵyz jumys isteýge kelisti.

Sonymen qatar, kezdesýde qos eldiń federaııalary kókpar oıyndarynyń birjyldyq kúntizbelik josparyn bekitý jáne onyń ótetin orny men týrnır formatyn bekitý, kókpar jáne kók bórú oıyndarynyń erejelerin zamanaýı talaptarǵa saı etip jasaýda sarapshylar men tarıhshylardy, eki jaqtyń ǵalymdaryn birge jumyldyrýǵa, sondaı-aq, osy jyldyń tamyz aıynda Qyrǵyzstannyń Sholpan Ata qalasynda kók bórúden ótetin halyqaralyq týrnırdiń formatyn birge kelisti.

Sondaı-aq, baýyrlas eldiń taraptary aldaǵy ýaqytta eki elde ótetin barlyq joldastyq jáne basqa da jarystarǵa óz komandalaryn ákelip, bir-birin qoldaıtyndyqtaryn jetkizdi.

Kezdesý sońynda baýyrlas qos eldiń taraptary budan bylaı strategııalyq áriptestik ornatyp, álem halyqtarynyń kókparǵa degen qyzyǵýshylyǵyn birlese arttyrýǵa ýaǵdalasty.