Азия чемпионатында Қазақстан парадзюдошылар бір-бірімен алтын жүлдеге таласты

Астанада өткен Азия чемпионатының көру қабілеті төмен J2 ойыншыларының арасында 90 келі салмақ дәрежесінде финалға екі қазақстандық шықты.

Нәтижесінде Қазақстан екі жүлдеге ие болды. Жанбота Аманжол алтын медаль иеленсе, Ғалымжан Смағұлұлына күміс жүлде бұйырды.

Осы салмақ дәрежесінде Отабек Ирисбеков (Өзбекстан) және Кумар Сунил (Үндістан) қола жүлдегерлер атанды.

Айта кетсек, бұған дейін 57 келіге дейінгі салмақ дәрежесінде қазақстандық Альфия Тілекқабыл жеңімпаз атанған болатын.

Еркеғали БЕЙСЕНОВ,

АСТАНА