جۋرناليستەردىڭ دوپ دوداسى

جاقىندا استاناداعى Əلكەي مارعۇلان اتىنداعى № 40 قازاق ورتا مەكتەبىندە شاعىن فۋتبولدان باق وكىلدەرى اراسىندا قازاقستان سپورت ءباسپاسوزى قاۋىمداستىعى قالالىق فيليالىنىڭ كۋبوگى ءۇشىن تۋرنير ءوتتى.

بۇل جارىسقا بۇقارالىق اقپارات قۇرالدارىنىڭ 8 كومانداسى قاتىستى. وندا قازاقستان سپورت ءباسپاسوزى قاۋىمداستىعى استانا قالالىق فيليالىنىڭ «جەڭىس»، «ەگەمەن قازاقستان» گازەتى، «حابار» اگەنتتىگى، «قازاق راديوسى»، «قازمەديا»، «Sport 59»، Kazsport پەن «اتامەكەن» بيزنەس تەلەارناسىنىڭ كلۋبتارى كۇش سىناستى.

تۋرنيردە كوماندالار ەكى توپقا ءبولىنىپ، ونەر كورسەتتى. «ا» توبىندا قازاق راديوسى، «ەگەمەن قازاقستان»، Kazsport پەن «حابار» ۇجىمىنىڭ كوماندالارى ويناسا، «ۆ» توبىندا الاڭعا «قازمەديا»، «جەڭىس»، «Sport 59» بەن «اتامەكەن» تەلەارناسىنىڭ جىگىتتەرى شىقتى. جارىس وتە تارتىستى جəنە قىزىقتى ءوتتى. ونى ءتۋرنيردىڭ اشىلۋ سالتاناتىندا ءسوز سويلەپ، سوعان دەيىن ويىنداردى ءوز كوزىمەن كورگەن مادەنيەت جəنە سپورت مينيسترلىگى سپورت جəنە دەنەشىنىقتىرۋ ىستەرى كوميتەتىنىڭ توراعاسى ەلسيار قاناعاتوۆ تا ايتتى.

ول اشىلۋ راسىمىندە جارىستىڭ جاقسى ءوتىپ جاتقانىن، قازاقستان سپورت ءباسپاسوزى قاۋىمداستىعى استانا قالالىق فيليالىنىڭ جۋرناليستەر اراسىندا دوپ دوداسىن ۇيىمداستىرىپ جەكسەنبى كۇنگى دەمالىستا ارىپتەستەرىنە تاماشا سىي جاساعانىنا ريزاشىلىعىن ءبىلدىرىپ، الداعى ۋاقىتتا قوعامدىق ۇيىمنىڭ جەكە باستامالارىنا قولداۋ كورسەتەتىنىن اتاپ ءوتتى. سونىمەن بىرگە ول ەلىمىزدە بۇقارالىق سپورتتى دامىتۋ، ونى ناسيحاتتاۋ تەك مەملەكەتتىك ورگانداردىڭ عانا جۇمىسى بولماۋ كەرەكتىگىن، وسىناۋ يگى-شارالاردى قوعامدىق مەكەمەلەر وتكىزىپ جاتسا، ولاردى ءوز تاراپىنان ارقاشان قولداپ وتىراتىنىن مالىمدەدى. سول سياقتى ءتۋرنيردىڭ اشىلۋ سالتاناتىندا «استانا اقشامى» گازەتى باس رەداكتورىنىڭ ورىنباسارى عالىم قوجابەكوۆ، Əلكەي مارعۇلان اتىنداعى № 40 قازاق ورتا مەكتەبىنىڭ ديرەكتورى ەربول ىرگەباي، Kazsport تەلەارناسىنىڭ ديرەكتورى پاۆەل تسىبۋلين مەن قازاقستان سپورت ءباسپاسوزى قاۋىمداستىعى استانا قالالىق فيليالىنىڭ توراعاسى داستان كەنجالين دە جۋرناليستەردى سپورت مەرەكەسىمەن قۇتتىقتاپ، جىلى لەبىزدەرىن ءبىلدىردى.

ەندى جارىس تۋرالى ايتساق، وندا ەكى توپقا بولىنگەن جاساقتار ءبىر-بىرىمەن ويناپ، اراسىنان مىقتىلارى جارتالاي فينالعا شىقتى. «ا» توبىندا «حابار» اگەنتتىگى مەن «ەگەمەن قازاقستان» گازەتىنىڭ كلۋبتارى ءبىرىنشى جانە ەكىنشى ورىنمەن كەلەسى اينالىمعا شىقسا، «ۆ» توبىندا «جەڭىس» پەن «Sport 59» كوماندالارى ½ ففينالعا جولداما الدى. ءسويتىپ، جارتىلاي فينالدىڭ ءبىرىنشى ماتچىندا «حابار» مەن «Sport 59» كلۋبتارى كەزدەستى. بۇل ويىندا جۋرناليستەردىڭ جارىستارىندا توپ جارىپ، باس جۇلدەنى الىپ جۇرگەن «حاباردىڭ» جگىتتەرى باسىمدىق تانىتتى. كەزدەسۋدە كوماندا كاپيتانى نۇرسۇلتان قۇرمان باستاعان جىگىتتەر ءتۋرنيردىڭ «تينەيدجەرلەر» كومانداسى اتانعان «Sport 59» كلۋبىن 3:0 ەسەبىمەن ۇتتى.

جارتىلاي فينالدىڭ ەكىنشى ويىنى «جەڭىس» پەن «ەگەمەن قازاقستان» كوماندالارىنىڭ اراسىندا ءوتتى. بۇعان دەيىن استانا قالالىق فۋتبول فەدەراتسياسىنىڭ ۇيىمداستىرۋىمەن وتكەن باق ليگاسىندا قازاقستان سپورت ءباسپاسوزى قاۋىمداستىعى قالالىق فيليالىنىڭ كلۋبى «ەگەمەننىڭ» ويىنشىلارىنان جەڭىلگەنىن بىلەمىز. كەزدەسۋدە «جەڭىستىڭ» جىگىتتەرى سول جولى كەتكەن ەسەنى قايتارىپ الدى. ولار قارسىلاستارىن 3:2 ەسەبىمەن جەڭدى. ال ءتۋرنيردىڭ ءۇشىنشى ورىنى ءۇشىن بولعان ماتچتا  «Sport 59» «تينەيدجەرلەر» كومانداسى «ەگەمەننىڭ» جاساعىنان ايلاسىن اسىرىپ، قولا جۇلدەگەر اتاندى.

قازاقتا باق شابا ما، باپ شابا ما دەگەن ءسوز بار. بۇل سىندا «جەڭىس» كلۋبىنىڭ بابى مەن باعى كەلىستى. قازاقستان سپورت ءباسپاسوزى قاۋىمداستىعى قالالىق فيليالىنىڭ كلۋبى فينالدا «حابار» اگەنتتىگىنىڭ جىگىتتەرىن پەنالتي سەرياسىندا ۇتىپ، ءتۋرنيردىڭ جەڭىمپازى اتاعىن جەڭىپ الدى. ماتچتا كوماندالار ءبىر-بىرىنە دەس بەرمەي، جانكۇيەرلەرگە تاماشا ويىن سىيلادى.  ماسەلەن، 3:3 ەسەبىمەن اياقتالعان ويىندا «حابارلىقتار» 1:3 ەسەبىمەن جەڭىلىپ جاتىپ، ەسەپتى تەڭەستىرىپ كەتتى. بۇل دا ەرلىك! بۇل دا جەڭىسكە دەگەن جىگەردى كورسەتىپ تۇر! جالپى، تۋرنيردە بارلىق ۇجىمدار جاقسى ونەر كورسەتتى. سونىڭ ىشىندە ۇيىمداستىرۋ كوميتەتى جەكەلەگەن اتالىم بويىنشا ۇزدىك اتانعان ءتورت ادامعا ارنايى سىيلىق تاعايىندادى. وندا ءتۋرنيردىڭ ۇزدىك ويىنشىسى اتاعىن «حابار» اگەنتتىگىنىڭ كاپيتانى نۇرسۇلتان قۇرمان، ۇزدىك قورعاۋشى نوميناتسياسىن «ەگەمەن قازاقستان» گازەتىنىڭ قىزمەتكەرى ەلتاي نۇرعازين السا، قۇماربەك ازات («جەڭىس») ۇزدىك شابۋىلشى، ايبەك قابىلشا («حابار») ۇزدىك قاقپاشى اتاندى.

–جارىسقا قاتىسقان بارلىق كوماندالارعا راحمەت ايتامىن. باق ۇجىمدارى ءبىر كۇن بويى تاڭەرتەڭنەن كەشكە دەيىن جەڭىسكە دەگەن جىگەرىن كورسەتىپ، باق سىناستى. سونىمەن بىرگە تۋرنيرگە ارنايى كەلىپ، جۋرناليستەرگە ءوزىنىڭ ىستىق لەبىزىن بىلدىرگەن مادەنيەت جəنە سپورت مينيسترلىگى سپورت جəنە دەنەشىنىقتىرۋ ىستەرى كوميتەتىنىڭ توراعاسى ەلسيار قاناعاتوۆقا، «استانا اقشامى» گازەتى باس رەداكتورىنىڭ ورىنباسارى عالىم قوجابەكوۆ پەن مەكتەپتىڭ ديرەكتورى ەربول ىرگەبايعا العىس ايتقىم كەلەدى. بۇل ۇيىمنىڭ العاشقى ءتۋرنيرى بولعان سوڭ ءبىز ءۇشىن جوعارىدا اتتارى اتالعان سپورت جاناشىرلارىنىڭ پىكىرى ماڭىزدى. وسى كىسىلەر الداعى ۋاقىتتا دا قوعامدىق بىرلەستىكتىڭ جۇمىسىنا قولداۋ كورسەتەتىنىن ايتتى»، — دەدى   سپورت ءجۋرناليسى، قازاقستان سپورت ءباسپاسوزى قاۋىمداستىعى استانا قالالىق فيليالىنىڭ توراعاسى داستان كەنجالين.

ەندى بولاشاقتا قازاقستان سپورت ءباسپاسوزى قاۋىمداستىعىنىڭ استانا قالالىق فيليالى جۋرناليستەر اراسىندا جارىستىڭ بىرنەشە تۇرىنەن سپارتاكيادا وتكىزۋدى جوسپارلاپ وتىر.

داستان كەنجالين