«Ertis» fýtbol klýby qaıta qurylýy múmkin

Pavlodar oblysynyń ákimi Asaıyn Baıhanov «Ertis» fýtbol klýbyn qaıta qurý máselesin kóterdi. Bul týraly ol Instagram-daǵy paraqshasyna jazdy.

Búginde biz «Ertis» FK-nyń bolashaǵyna qatysty 2 joldy kórip otyrmyz. Birinshiden, 3,1 mlrd teńge qaryzy bar ári bankrottyq rásiminen ótip jatqan klýbty ońaltý.  Ekinshiden, FIFA erejeleri boıynsha «Ertis» FK-men attas jańa klýb qurý. Onyń ishinde oıynshylar men jattyqtyrýshylar quramy aldyndaǵy 846 mln teńge bereshekti ózine mindetteme retinde qabyldaý, – dep  jazdy Asaıyn Baıhanov.

Keńes qorytyndysy boıynsha sport basqarmasyna 10 kún ishinde demeýshilik qarajatty tartyp, «Ertis» FK-ny jandandyrýdyń jol kartasyn ázirleý tapsyryldy.

Joba maquldansa, klýbqa jergilikti oıynshylardy tartýǵa basa nazar aýdarylady.

Pavlodar qalasynyń «Ertis» fýtbol klýby 2020 jyly taratylǵan bolatyn.

Dáýren ERBOLAT

ASTANA