Tarazda da bokstan álem chempıonaryna páterdiń kilti tabys etildi

Tarazda О́zbekstanda bokstan ótken álem chempıonatynyń júldegerleri Asylanbek Shymbergenov pen Dýlat Bekbaýovqa qurmet kórsetildi.

Olardy Jambyl oblysynyń ákimi Nurjan Nurjigitov álem chempıonatyndaǵy jetistikterimen quttyqtady. Sondaı-aq ol boksshylardyń jeke jattyqtyrýshylary — Qazaqstannyń eńbek sińirgen jattyqtyrýshysy Nurlan Aqúrpekov pen jattyqtyrýshy Ermek Ertaevtyń sińirgen eńbekteriniń zor ekenin aıtyp, qurmet kórsetti.

Kezdesýde óńir basshysy boksshylardyń ata-analaryna da alǵys aıtyp, álem chempıonatynyń júldegeri atanǵan perzentterine Taraz qalasynan páter beriletinin jetkizdi

Osy jerde oblys ákim álem chempıony Asylanbek Shymbergenovke – úsh bólmeli, Dýlat Bekbaýovqa eki bólmeli páterlerdiń kiltterin tabys etti. Odan keıin Shymbergenovtiń jeke jattyqtyrýshysy Ermek Ertaevqa 5 mln teńgeniń, Bekbaýovtyń jeke jattyqtyrýshysy Nurlan Aqúrpekovke 3 mln teńgeniń sertıfıkattaryn tapsyrdy.

Dastan KENJALIN,

ASTANA