پۋتينتسەۆا «رولان گارروس» ءتۋرنيرىنىڭ ەكىنشى اينالىمىنا شىقتى

الەمنىڭ 58-راكەتكاسى يۋليا پۋتينتسەۆا «رولان گارروس» ءتۋرنيرىنىڭ ەكىنشى اينالىمىنا شىقتى.

قازاقستاندىق تەننيسشى العاشقى اينالىمدا دۇنيەجۇزىلىك رەيتينگتە 89-ورىندا تۇرعان بەلگيانىڭ اتىنان سىنعا ءتۇسىپ جۇرگەن تەگى ۋكراينالىق مارينا زانەۆسكايامەن كورتتا كەزدەستى. تەننيسشىلەر ماتچتى برەيك الماسۋمەن باستادى. دەگەنمەن، مارينا زانەۆسكايا بۇدان كەيىن قاتارىنان ءۇش گەيمدى الدى. ەسەپ – 4:1. ودان كەيىن يۋليا پۋتينتسەۆا دا دا قالىسپاي، ەسەپ 3:5 بولعاندا قارسىلاسىنىڭ سەتتى الۋىنا مۇمكىندىك بەرگەن جوق.

ەكىنشى سەتتە ەسەپ 4:3 بولعان كەزدە قازاقستاندىق تەننيسشى ءوز گەيمىن پايدالانا المادى. دەگەنمەن تاي-برەيكتە قىراعىلىق تانىتتى. ءسويتىپ، ول قارسىلاسىن 7:5، 7:6 (7:3) ەسەبىمەن ۇتتى.

ەندى يۋليا پۋتينتسەۆا ەكىنشى اينالىمدا الەمنىڭ 19-راكەتكاسى قىتايلىق چجەن تسينۆەنمەن وينايدى.

داستان كەنجالين،

استانا