پۋتينتسەۆا «رولان گارروس» ءتۋرنيرىنىڭ ءۇشىنشى اينالىمىنا شىقتى

يۋليا پۋتينتسەۆا «رولان گارروس» ءتۋرنيرىنىڭ ءۇشىنشى اينالىمىنا شىقتى، دەپ حابارلادى قازاقستان تەننيس فەدەراتسياسى.

قازاقستاندىق تەننيسشى ەكىنشى اينالىمدا الەمنىڭ 19-راكەتكاسى، قىتايلىق چجەن تسينۆەنمەن كەزدەسىپ، ونى ءبىرىنشى پارتيادا 6:3 ەسەبىمەن ۇتتى. ەكىنشىسىندە قىتايلىق سپورتشى 6:4 ەسەبىمەن ەسە قايتاردى.

ءۇشىنشى سەتتە پۋتينتسەۆا 6:2 ەسەبىمەن ۇتتى.

ەندى پۋتينتسەۆا ءتورتىنشى اينالىمعا شىعۋ ءۇشىن الەمنىڭ 30-راكەتكاسى، امەريكالىق سلوان ستيۆەنسپەن وينايدى.