مەسسي مەن رونالدۋ: كەلەسى ماۋسىمدا كىم قايدا وينايدى؟

ارگەنتينانىڭ ۇلتتىق قۇراماسى مەن «پاري سەن-جەرمەن» كلۋبىرنىڭ شابۋىلشىسى، «التىن دوپ» سىيلىعىن جەتى رەت، «التىن بۋتسى» پرەمياسىن التى رەت العان ليونەل مەسسي كەلەسى ماۋسىمدا باسقا كلۋبتا وينايتىن بولادى. ول پسج قۇرامىنىڭ ساپىندا سوڭعى رەت ەرتەڭ الاڭعا شىعادى.

3 ماۋسىمدا «پاري سەن-جەرمەن» كلۋبى «كلەرمون» كومانداسىمەن كەزدەسەدى. ودان كەيىن مەسسيدىڭ قاي ەلدىڭ كلۋبىندا وينايتىنى ءالى بەلگىسىز. بۇل ماسەلە شەشىلگەن جوق. كەيبىر دەرەككە قاراعاندا،  ول ساۋد ارابياسىنىڭ «ءال-حيلال» كومانداسىندا ويناۋى مۇمكىن. قازىر اراب ەلىنىڭ جاساعى وعان 1 ملرد 200 ملن ەۋرو تولەگەسى كەلەدى. بۇل – فۋتبول تاريحىندا بۇرىن-سوڭدى بولماعان  رەكوردتتىق كەلىسىمشارت.  ەگەر وعان دا كەلىسپەسە مەسسي «بارسەلوناعا» قايتىپ بارۋى مۇمكىن دەگەن  جىل ويناعان.

كريشتيانۋ رونالدۋعا كەلسەك، ول ساۋد ارابياسىنىڭ «ءال-ناسر» كلۋبىندا كەلەسى ماۋسىمدا دا وينايتىنىن ايتتى. پورتۋگاليانىڭ فۋتبرولشىسى اراب ەلمەن ەكى جىلعا كەلىسىمشارت جاساسقان بولاتىن. سوندىقتان ول ارابتارمەن قول الىسىپ، قول بەرىسكەننەن كەيىن كەلىسىمشارتتى الدىن الا بۇزبايتىنىن مالىمدەدى.

مەن كلۋبپەن بىرگە كۋبوكتى جەڭىپ العىم كەلگەن. بىراق ءبارى ءبىز ويلاعانداي بولا بەرمەيدى ەكەن. سوڭعى جارتى جىلدا ءبىزدىڭ كلۋبتىڭ دەڭگەيىن ءوستى. ليگانىڭ ويىندارى دا قىزىقتى، تارتىمدى بولىپ جاتىر. وسى جىلى چەمپيون بولا المادىق. كەلەسى ماۋسىمدا بۇل ماقساتىمىزعا جەتەتنىمىزگە سەنىمدىمىن. الداعى ۋاقىتتا الەمنىڭ ۇزدىك بەس كومانداسىنىڭ قاتارىنا قوسىلامىز دەپ ويلايمىن. ەڭ باستىسى، ماعان «ءال-ناسر» كلۋبىندا ويناۋ ۇنايدى. مەن باقىتتىمىن، — دەدى ول كوماندانىڭ YouTube ارناسىنا بەرگەن سۇحباتىندا.

رونالدۋ «التىن دوپ» سىيلىعىن ەكى رەت (2013، 2014)، «التىن بۋتسى» پرەمياسىن ءتورت رەت (2008، 2011، 2014، 2015) العان. ول قىسقى ترانسفەر كەزىندە «ءال-ناسردىڭ» قۇرامىنا قوسىلعان. بيىلعى ماۋسىمدا «ءال-ناسر» ساۋد ارابياسى چەمپيوناتىندا ەكىنشى ورىن الدى.

مەسسي مەن رونالدۋ فۋتبول تاريحىنداعى ۇزدىك ويىنشىلاردىڭ ءبىرى بولىپ سانالادى. ولاردىڭ اتتارى قازىردىڭ وزىندە التىن ارىپتەرمەن جازىلعان.

داستان كەنجالين،

استانا