«Ras aqparat berińder»: Messı qaı klýbqa aýysatynyn aıtty

Argentına quramasynyń shabýylshysy Lıonel Messı qaı klýbqa aýysatynyn aıtty. Ol Mundo Deportivo basylymyna bergen suhbatynda sońǵy kezde bolashaq komandasyna qatysty alyp-qashpa áńgimeniń bolyp jatqanyn, Ispanııanyń «Barselona» men Saýd Arabııasynyń «Ál-Hılal» komandasynda oınamaıtynyn eskertti.

Messı tańdaýdy AQSh-tyń MLS lıgasyna jasaǵanyn málimdedi.

«Barselonaǵa» qaıtyp barmaımyn. «Ál-Hılal» klýbynyń usynysyna da kelisken joqpyn. Ras aqparat berińder. Men «Inter Maıamıge» aýysamyn. Bul komanda AQSh-tyń MLS lıgasynda oınaıdy. Áli kelisimshartqa qatysty azdaǵan másele sheshilgen joq. Biraq aýyzsha 100 paıyzǵa sheshilip qoıǵan, — dedi Messı.

Eske sala ketsek, Argentına quramasynyń shabýylshysy «Parı Sen-Jermen» klýbynyń sapynda sońǵy ret 3 maýsymda alańǵa shyqty. Sol kúni ol «Klermon» komandasyna qarsy oınady. Odan keıin onyń qaı eldiń klýbynda oınaıtyny belgisiz bolǵan. Endi ózi aıtqandaı, másele 100 paıyzǵa sheshilipti.

Al «Ál-Hılal» klýbynyń basshysy Messıdiń ««Inter Maıamıdi» tańdaǵynan estigende fýtbolshyǵa taǵy 300 mln eýro qosyp bergisi kelgen degen bar. Sóıtip, oǵan arabtar úsh jylǵa 1 mlrd 500 mln eýro tólegisi kelgen eken.

Messı 2021 jyldan bastap parıjdik klýb namysyn qorǵady. О́tken maýsymda argentınalyq shabýylshy 58 matchqa qatysyp, 22 gol salyp, 30 nátıjeli paspen kózge tústi. Ol PSJ-nyń quramynda eki ret Franııanyń chempıony bolyp, bir ret osy eldiń sýperkýbogynyń ıegeri atandy.

Messı – «Altyn dop» syılyǵyn 7 ret, «Altyn býtsy» premııasyn 6 ret alǵan tarıhtaǵy jalǵyz fýtbolshy.

Dastan KENJALIN,

ASTANA

 

View this post on Instagram

 

A post shared by Inter Miami CF (@intermiamicf)