رەسەيدە قازاقستاننىڭ جەكپە-جەك شەبەرى الاڭ يەسىن نوكاۋتقا ءتۇسىردى

جەكپە-جەك شەبەرى جاسۇلان اكىمجان (10-2) رەسەيدىڭ سانكت-پەتەربۋر قالاسىندا وتكەن «ناشە دەلو» ليگاسى گران-پري دوداسىنىڭ شيرەك فينالىندا جەڭىسكە جەتتى.

قازاقستاندىق كۇرەس شەبەرى رەسەيلىك اميرلان اميروۆتى (5-5) ءبىرىنشى راۋندتا نوكاۋتقا ءتۇسىردى.

جاسۇلان اكىمجاننىڭ ايتۋىنشا، ەندى ول وسى گران-ءپريدى جەڭىپ السا، UFC-مەن كەلىسىمشارتتا جاساسۋعا تالپىنىپ كورەدى.

قازىر شاۆكات راحمونوۆتىڭ ارقاسىندا UFC-مەن كەلىسىمشارتقا وتىرعان قازاق جىگىتتەرى كوبەيىپ جاتىر. وسى ۇيىممەن ەكى ادام كەلىسىمشارت جاساستى. سوندىقتان ماعان دا UFC-ءدىڭ اۋىلى الىس ەمەس دەپ ويلايمىن. قازىر ءبىزدىڭ قازاقتار وكتاگوندا وزدەرىن كورسەتىپ جاتىر. ولار سوعان قىزىعىپ قارايدى. ياعني، شەتەلدىكتەرگە ءبىزدىڭ جىگىتتەردىڭ جەكپە-جەكتەرى ۇنايدى. وعان شاۆكات دالەل. مىسالى، ول ءبارىن جەڭىپ جاتىر. سونى ءبىلىپ، شەتتە قالەعىم كەلمەيدى. مەن دە ءوزىمدى كورسەتكىم كەلەدى. سول ءۇشىن اعىلشىن ءتىلىن دە ۇيرەنىپ جاتىرمىن. مەن «ناشە دەلو» ليگاسىمەن كەلىسىمشارتقا وتىرعانمىن. ەندى سونىڭ گران-ءپريىن جەڭسەم، رەيتينگتە جاقسى ورىن الامىن دەپ ويلايمىن. قازىر مەن 65 پەن 70 كەلىدە توبەلەسىپ جۇرگەننەن كەيىن رەيتينگتەگى ورنىم دا ناقتى بولماي ءجۇر، – دەدى ول.

ەندى جاسۇلان اكىمجان جارتىلاي فينالدا نابي اشۋرلاەۆپەن وكتاگونعا شىعادى.

داستان كەنجالين،

استانا