Reseıde Qazaqstannyń jekpe-jek sheberi alań ıesin nokaýtqa túsirdi

Jekpe-jek sheberi Jasulan Ákimjan (10-2) Reseıdiń Sankt-Peterbýr qalasynda ótken «Nashe Delo» lıgasy Gran-prı dodasynyń shırek fınalynda jeńiske jetti.

Qazaqstandyq kúres sheberi reseılik Amırlan Amırovty (5-5) birinshi raýndta nokaýtqa túsirdi.

Jasulan Ákimjannyń aıtýynsha, endi ol osy Gran-prıdi jeńip alsa, UFC-men kelisimshartta jasasýǵa talpynyp kóredi.

Qazir Shavkat Rahmonovtyń arqasynda UFC-men kelisimshartqa otyrǵan qazaq jigitteri kóbeıip jatyr. Osy uıymmen eki adam kelisimshart jasasty. Sondyqtan maǵan da UFC-diń aýyly alys emes dep oılaımyn. Qazir bizdiń qazaqtar oktagonda ózderin kórsetip jatyr. Olar soǵan qyzyǵyp qaraıdy. Iaǵnı, sheteldikterge bizdiń jigitterdiń jekpe-jekteri unaıdy. Oǵan Shavkat dálel. Mysaly, ol bárin jeńip jatyr. Sony bilip, shette qaleǵym kelmeıdi. Men de ózimdi kórsetkim keledi. Sol úshin aǵylshyn tilin de úırenip jatyrmyn. Men «Nashe Delo» lıgasymen kelisimshartqa otyrǵanmyn. Endi sonyń Gran-prıin jeńsem, reıtıngte jaqsy oryn alamyn dep oılaımyn. Qazir men 65 pen 70 kelide tóbelesip júrgennen keıin reıtıngtegi ornym da naqty bolmaı júr, – dedi ol.

Endi Jasulan Ákimjan jartylaı fınalda Nabı Ashýrlaevpen oktagonǵa shyǵady.

Dastan KENJALIN,

ASTANA