دوپينگ داۋى: اۋىر اتلەتيكا فەدەراتسياسى مالىمدەمە جاسادى

اۋىر اتلەتيكا فەدەراتسياسى دوپينگ داۋىنا قاتىستى مالىمدەمە جاسادى. فەدەراتسيا دوپينگ قابىلداعان سپورتشىلاردىڭ اتى-جوندەرىن اتاپ، ءتيىستى شارانىڭ قولدانعانىن حابارلادى.

18 مامىردا اۋىر اتلەتيكا فەدەراتسياسىنا قازاقستان ۇلتتىق دوپينگكە قارسى ورتالىعىنان 17 ساۋىردە الىنعان جارىستان تىس دوپينگ-باقىلاۋدىڭ وڭ ناتيجەلەرى تۋرالى حابارلاما كەلىپ ءتۇستى.

وسىلايشا، وڭ ناتيجە ارلي چونتەي، ەكاتەرينا الياكينا، دەنيس پولۋبويارينوۆ، الينا كوليۋشكو، الەكسەي چۋركين جانە نۇرعيسا ادىلەت ۇلىنان تابىلدى، – دەلىنگەن حابارلامادا.

فەدەراتسيانىڭ حابارلاۋىنشا، 12 ماۋسىمدا اۋىر اتلەتيكا فەدەراتسياسىنا حالىقارالىق تەستىلەۋ اگەنتتىگىنەن (ITA) ۇلتتىق قۇرامانىڭ سپورتشىسى ارتەم انتروپوۆتىڭ دوپينگ-سىناماسىنىڭ وڭ ناتيجەلەرى تۋرالى حابارلاما كەلىپ ءتۇستى. سىناما 12 مامىردا سپورتشىنىڭ كورەيادا وتكەن ازيا چەمپيوناتىندا ونەر كورسەتكەننەن كەيىن الىندى.

بۇگىنگى كۇنى سپورتشىلار دوپينگكە قارسى ەرەجەلەردى بۇزۋ تۋرالى حابارلاما الدى. ولاردىڭ ارقايسىسى بويىنشا سوڭعى شەشىم تولىق تەرگەۋدەن كەيىن قابىلدانادى. جوعارىدا اتالعان سپورتشىلاردىڭ بارلىعى سپورتتىق ءىس-شارالار مەن وقۋ-جاتتىعۋ جيىندارىنان ۋاقىتشا شەتتەتىلدى، –  دەلىنگەن ودان ءارى.

فەدەراتسيا دوپينگكە «مۇلدەم توزبەۋشىلىك» ساياساتىن ۇستانا وتىرىپ، وقيعانى تاۋەلسىز تەكسەرۋ ءۇشىن كوميسسيا قۇردى. ونىڭ قۇرامىنا قازاقستان رەسپۋبليكاسى مەن وڭىرلەردىڭ قر ااف وكىلدەرى كىردى. تەرگەۋ كەزىندە لاستانعان سپورتتىق تاماقتى ابايسىزدا ءىشۋ مەن سپورتشىلاردىڭ دوپينگتى قاساقانا قولدانۋى تەكسەرىلەدى. تەكسەرۋ ءۇشىن سپورتشىلار دايىندىق كەزىندە قابىلداعان سپورتتىق تاماقتانۋ مەن ۆيتاميندەردىڭ ۇلگىلەرى الىندى. سونداي-اق، «ب» ۇلگىلەرىن قايتا ساراپتاماعا اشۋ جوسپارلانۋدا.

فەدەراتسيا تەرگەۋدەن باسقا ۋاكىلەتتى ورگانعا ەرلەر مەن ايەلدەر قۇراما كوماندالارىنىڭ باس جاتتىقتىرۋشىلارىن قىزمەتىنەن بوساتۋ تۋرالى وتىنىشتەر جولدادى. دوپينگكە قارسى جۇمىستارعا باسا نازار اۋدارا وتىرىپ، فەدەراتسيانىڭ جاڭا ۇيىمدىق قۇرىلىمى كەڭەيتىلىپ، بەكىتىلدى. فەدەراتسيانىڭ جاڭا باس حاتشىسى تاعايىندالدى.

ەسكە سالا كەتەيىك، اۋىر اتلەتيكا فەدەراتسياسى مەن قازاقستان ۇلتتىق دوپينگكە قارسى ورتالىعى اراسىندا دوپينگكە قارسى ءتارتىپتى نىعايتۋعا جانە اۋىر اتلەتيكادا دوپينگ قولدانۋدىڭ بارلىق جاعدايلارىن انىقتاۋعا باعىتتالعان ىنتىماقتاستىق تۋرالى مەموراندۋمعا قول قويىلعان بولاتىن.

قر ااف قازدقۇو بىرلەسىپ ۇلتتىق قۇراما كومانداسىنىڭ سپورتشىلارىندا جارىستان تىس دوپينگ-باقىلاۋلار جۇرگىزۋگە جانە دوپينگكە قارسى سەمينارلار وتكىزۋگە جۇيەلى نەگىزدە باستاماشىلىق جاسايدى.

داستان كەنجالين،

استانا