سۇلۋلىققا اركىمنىڭ دە بار تالاسى… (فوتو)

الماتىدا «Italian Beauty Days» اۋقىمدى شاراسىنىڭ اشىلۋى ءوتتى.

بۇل ءىس-شارانى قازاقستان رەسپۋبليكاسىنداعى يتاليا ەلشىلىگىنىڭ ساۋدا الماسۋدى دامىتۋ ءبولىمى (سدب) مەن Cosmetica Italia كوسمەتيكالىق كومپانيالارىنىڭ ۇلتتىق قاۋىمداستىعى يتاليالىق پارفيۋمەريا جانە كوسمەتيكا سالاسىنىڭ جەتەكشى وندىرۋشىلەرىنىڭ قاتىسۋىمەن ۇيىمداستىردى. بۇل قازاقستانداعى زاماناۋي سۇلۋلىق يندۋسترياسىنىڭ العاشقى ءىس-شاراسى بولىپ وتىر. اتالمىش ءىس-شاراعا يتاليالىق پارفيۋمەريا مەن كوسمەتيكا وندىرۋشىلەرى قاتىستى.

قابىلداۋ ۇيىندەگى شاراعا يتاليانىڭ 22 ءىرى ءوندىرۋشىسى قازاقستان، وزبەكستان، قىرعىزستان جانە تاجىكستاننىڭ 300-دەن استام كوسمەتيكا سالاسىنىڭ ماماندارى يتاليالىق وندىرۋشىلەرمەن كەزدەسىپ، اقىل-كەڭەس الماسۋ جۇمىستارىن جۇرگىزدى.

قازاقستانداعى ۆيزاجيستەر اسسوتسياتسياسىن باسقاراتىن ديليا ابدۋللاەۆانىڭ جاساپ جاتقان جۇمىستارى كوڭىلگە دەمەۋ. ەجەلگى زاماننان بەرى قازاق حالقى دا سۇلۋلىققا بەيجاي قاراماعان. اجەلەرىمىز شاشىن ايرانمەن نەمەسە قاتىقتىڭ سارى سۋىمەن جۋىپ، بەتىن سۇتپەن، قايماقپەن نارلەندىرەتىن. ەندى زامان تالابىنا ساي ءتۇرلى قوسپالار شىقتى. Italian Beauty Days – قازاقستاندىق سۇلۋلىق يندۋسترياسىنىڭ كاسىپقويلارى، جەرگىلىكتى بيزنەس وكىلدەرى جانە سۇلۋلىققا جانى قۇمار تۇتىنۋشىلار اراسىنداعى جەتەكشى يتاليالىق وندىرۋشىلەرمەن كاسىبي قارىم-قاتىناس ورناتۋعا ارنالعان بىرەگەي ىسكەرلىك الاڭ.

ءىس-شارا قازاقستاندىق بيزنەسمەندەرگە يتاليالىق وندىرۋشىلەردىڭ كوپ بولىگىمەن تىكەلەي بايلانىس ورناتۋعا، جاڭا ىسكەر سەرىكتەستەر تابۋعا، ىنتىماقتاستىق شارتتارىن تالقىلاۋعا، نارىقتى زەرتتەۋگە، ۇسىنىستاردى تالداۋعا جانە ارنايى باعالار بويىنشا كەلىسىمشارتتار جاساۋعا مۇمكىندىك بەرەدى.

بۇل – سدب مەن Cosmetica Italia سالالىق كومپانيالار قاۋىمداستىعىنىڭ بىرلەسكەن باستاماسى. ونىڭ ىشىندە بۇكىل يتاليادا ورنالاسقان ترانسۇلتتىق كورپوراتسيالاردان باستاپ شاعىن جانە ورتا وندىرىستىك جانە ديستريبيۋتورلىق فيرمالارعا دەيىن 640-تان استام كومپانيالارى قامتىلعان. Cosmetica Italia-نى قۇرايتىن كومپانيالار كوسمەتيكا سەكتورىنىڭ جالپى ۇلتتىق اينالىمىنىڭ 90% قۇرايدى (2022 جىلى 13،3 ملرد ەۋرو). يتاليالىق كوسمەتيكا نارىعى ەۋروپادا گەرمانيا مەن فرانتسيادان كەيىنگى ءۇشىنشى ورىن الادى.

يتاليالىق ونىمدەر حالىقارالىق نارىقتا ۇنەمى جاڭا ءارى يننوۆاتسيالىق شەشىمدەردى ۇسىناتىن وندىرۋشىلەردىڭ ساپا، قاۋىپسىزدىك، يننوۆاتسيا جانە شىعارماشىلىعى جوعارى ستاندارتتارىمەن ەرەكشەلەنەدى. ولارعا دەگەن سۇرانىس ۇنەمى جوعارى. دۇنيە جۇزىندە تۇتىنىلاتىن كوسمەتيكانىڭ 55 پايىزىن يتاليالىق فيرمالار وندىرەتىنىن اتاپ وتسەك تە جەتكىلىكتى بولار. Cosmetica Italia كوسمەتيكا ونەركاسىبىنە ارنالعان حالىقارالىق Cosmoprof BolognaFiere جارمەڭكەسىنىڭ نەگىزگى سەرىكتەسى بولىپ سانالادى. ولاردىڭ جارتى عاسىردان استام تابىستى ىنتىماقتاستىعى سۇلۋلىق سەكتورىنداعى الەمدەگى ەڭ ءىرى جارمەڭكەسىنە، سونداي-اق، لاس-ۆەگاستاعى Cosmoprof North America، گونكونگتاعى Cosmoprof Asia، مۋمبايداعى Cosmoprof India، بانگكوكتاعى Cosmoprof CBE ASEAN جانە 2024 جىلدىڭ قاڭتارىنان باستاپ ماياميدەگى Cosmoprof North America Miami سياقتى ونىڭ بارلىق حالىقارالىق فيليالدارىنىڭ تابىسىنا اينالدى.

«قازاقستان مەن ورتالىق ازياداعى تۇتىنۋشىلار جەكە كۇتىمگە ەرەكشە كوڭىل بولەدى، بۇل جوعارى ساپالى كوسمەتيكاعا سۇرانىستىڭ جوعارى بولۋىنا سەبەپ بولىپ وتىر. سوندىقتان يتاليالىق وندىرۋشىلەر ءۇشىن ايماق نارىعىنداعى جۇمىس وتە ماڭىزدى. ءبىز جەرگىلىكتى نارىقتاعى قاتىسۋىمىزدى بەلسەندى تۇردە كەڭەيتۋدەمىز، بۇل ءبىزدىڭ ەلدەن جەتكىزىلەتىن ونىمدەرگە قاتىستى دەرەكتەرمەن دە راستالادى: مىسالى، 2022 جىلى يتاليالىق كوسمەتيكانىڭ ورتالىق ازياعا ەكسپورتى 2021 جىلمەن سالىستىرعاندا 24،9%-كە ءوستى. قازاقستاندى عانا ەسەپكە الاتىن بولساق، مۇندا ءوسىم 40،7%-كە جەتتى. قازاقستان جانە جالپى ورتالىق ازيا نارىعىمەن، جەرگىلىكتى تۇتىنۋشىلاردىڭ داستۇرلەرىمەن جانە تالعامدارىمەن تانىسۋ، ءارى ءبىلىمىمىزدى تەرەڭدەتۋ يتاليالىق كومپانيالار ءۇشىن وتە ماڭىزدى جانە قۇندى ەكەنى ءسوزسىز. بۇگىنگى باسقوسۋ  يتاليالىق پارفيۋمەريا سەكتورى مەن قازاقستان مەن ايماق اراسىندا ۇزاق مەرزىمدى ىنتىماقتاستىق ورناتۋدىڭ نەگىزى بولماق»، – دەپ اتاپ ءوتتى Cosmetica Italia ۆيتسە-پرەزيدەنتى فابيو فرانكينا.

ءوز كەزەگىندە الماتىداعى سدب ديرەكتورى مارتينو كاستەللاني مىرزا يتاليانىڭ وندىرىستىك كومپانيالارى مەن قازاقستان كاسىپكەرلەرى اراسىنداعى ەكونوميكالىق جانە ساۋدا بايلانىستارىن نىعايتۋدىڭ ماڭىزدىلىعىن اتاپ ءوتتى. ونىڭ پىكىرىنشە، مۇندا پارفيۋمەريا جانە كوسمەتيكا سالاسىنداعى حالىقارالىق ساراپشىلاردان كاسىبي كەڭەستەر مەن ۇسىنىستار الۋ مۇمكىندىگى عانا ەمەس، سونىمەن قاتار تىكەلەي كەلىسىمشارتتار ورناتۋ مۇمكىندىگى دە وتە ماڭىزدى. مۇنداي بايلانىستار قازاقستان مەن ءوڭىر نارىعىنىڭ وسى سالاسىن جوعارى دەڭگەيگە كوتەرۋگە مۇمكىندىك بەرەدى.

يتاليالىق كوسمەتيكا جانە پارفيۋمەريا بيزنەسى ورتالىق ازياداعى كومپانيالارمەن ءوزارا ارەكەتتەسۋدى جوعارى باعالايتىنىن اتاپ وتكەن ءجون. ءبىز يتاليالىق وندىرۋشىلەردىڭ قازاقستان جانە جالپى ايماق كومپانيالارىمەن ىنتىماقتاستىعى بىرلەسكەن كوممەرتسيالىق جوبالار تۇرعىسىنان دا پايدالى دەپ ەسەپتەيمىز. تاجىريبە الماسۋدى جۇزەگە اسىرعىسى كەلەتىن، ساۋدا-ساتتىق قارىم-قاتىناسىن، سونداي-اق جەكە پارفيۋمەريا ءوندىرىسىن ورناتقىسى كەلەتىن كاسىپكەرلەر ءۇشىن پايدالى دەپ سانايمىز. مۇنداي سالالىق كورمەلەر الداعى ۋاقىتتا دا قاجەت دەگەن سەنىمدەمىز. بۇل يتاليا ونەركاسىبى ءۇشىن نارىقتى كەڭەيتۋ ءۇشىن قوسىمشا ىنتالاندىرۋ، سونىمەن قاتار ايماقتاعى جاڭا زاماناۋي وندىرىستەردى بىرلەسىپ دامىتۋ ءۇشىن تاماشا مۇمكىندىك»، – دەپ اتاپ ءوتتى مارتينو كاستەللاني.

Harper’s BAZAAR Kazakhstan جۋرنالىنىڭ باس رەداكتورى لاريسا ازانوۆانىڭ پىكىرىنشە، سۇلۋلىق نارىعىنداعى يتاليالىق ساراپشىلار ءوز پرەزەنتاتسيالارىمەن تانىستىرىپ، شەبەرلىك دارىستەرىن وتكىزىپ، قازاقستان مەن ورتالىق ازيانىڭ بيزنەس قۇرىلىمدارىنا بۇگىنگى اعىمداعى دۇنيەلەر تۋرالى ايتىپ بەرۋى، سونىمەن قاتار تۇتىنۋشىلاردى جاڭا ونىمدەر مەن ەۋروپالىق تاجىريبەمەن تانىستىرۋى، ءتۇرلى قالالار مەن وبلىستاردان كوپتەگەن مامانداردى تارتۋعا جاعداي جاسايدى.

«يتاليادا كوپتەگەن زاۋىتتار وتباسىلىق ءوندىرىس ورىندارى بولىپ كوپتەگەن جىلدار، ءتىپتى عاسىرلار بويى جۇمىس ىستەپ كەلەدى. ەگەر اتاسى پارفيۋمەر بولسا، نەمەرەسى دە پارفيۋمەر بولادى. تۇجىرىمدامالىق تاسىلدەردەگى، تەحنولوگيالاردى ەنگىزۋدەگى، سونداي-اق حوش يىستەندىرگىشتەر فيلوسوفياسىنىڭ وزىندە ءبىر تۇبەگەيلىك قالىپتاسقان. بۇگىندە ءبىز وسىنىڭ بارلىعىن ەلىمىزدىڭ جەتەكشى وندىرۋشىلەرىنىڭ ونىمىنەن انىق بايقايمىز. جاڭا شەشىمدەردە تولى، عاسىرلار بويى قالىپتاسقان ءداستۇردىڭ اسەرىن دە، مۇلدەم جاڭا دۇنيەلەردى تابۋعا دەگەن ۇمتىلىستى دا سەزىنۋگە بولادى. بۇگىنگى تاڭدا Italian Beauty Days ءىس-شاراسىنا قاراپايىم يتاليالىق كومپانيالار ەمەس، ءوز وندىرىسىندە ەڭ وزىق تەحنولوگيالاردى قولداناتىن كومپانيالار قاتىسادى. يتاليادا سۇلۋلىق يندۋسترياسىندا ۇنەمى تەرەڭ عىلىمي زەرتتەۋلەر جۇرگىزىلەدى. وسى زەرتتەۋلەردىڭ ارقاسىندا پارفيۋمەريالىق جانە كوسمەتيكالىق ونىمدەر ەڭ وزىق عىلىمي ازىرلەمەلەرگە نەگىزدەلگەن. ءدال وسى زەرتتەمەلەر الەمدىك نارىقتىڭ ەرتەڭى بولماق. وسى تۇرعىدان العاندا، يتاليالىق جەتەكشى برەندتەردىڭ شاش، بەت-الپەت پەن دەنە كۇتىمى سالاسىنداعى، اسىرەسە كاسىبي سەگمەنتتەگى ونىمدەرىمەن جانە ۇسىنىستارىمەن تانىسۋ قازاقستاندىق ماماندار مەن كومپانيالار ءۇشىن وتە ماڭىزدى»، – دەدى لاريسا ازانوۆا.

سالتانات قاجىكەن،

الماتى