Sulýlyqqa árkimniń de bar talasy… (FOTO)

Almatyda «Italian Beauty Days» aýqymdy sharasynyń ashylýy ótti.

Bul is-sharany Qazaqstan Respýblıkasyndaǵy Italııa Elshiliginiń Saýda almasýdy damytý bólimi (SDB) men Cosmetica Italia kosmetıkalyq kompanııalarynyń ulttyq qaýymdastyǵy ıtalııalyq parfıýmerııa jáne kosmetıka salasynyń jetekshi óndirýshileriniń qatysýymen uıymdastyrdy. Bul Qazaqstandaǵy zamanaýı sulýlyq ındýstrııasynyń alǵashqy is-sharasy bolyp otyr. Atalmysh is-sharaǵa ıtalııalyq parfıýmerııa men kosmetıka óndirýshileri qatysty.

Qabyldaý úıindegi sharaǵa Italııanyń 22 iri óndirýshisi Qazaqstan, О́zbekstan, Qyrǵyzstan jáne Tájikstannyń 300-den astam kosmetıka salasynyń mamandary ıtalııalyq óndirýshilermen kezdesip, aqyl-keńes almasý jumystaryn júrgizdi.

Qazaqstandaǵy vızajıster Assoıaııasyn basqaratyn Dılıa Abdýllaevanyń jasap jatqan jumystary kóńilge demeý. Ejelgi zamannan beri qazaq halqy da sulýlyqqa beıjaı qaramaǵan. Ájelerimiz shashyn aıranmen nemese qatyqtyń sary sýymen jýyp, betin sútpen, qaımaqpen nárlendiretin. Endi zaman talabyna saı túrli qospalar shyqty. Italian Beauty Days – qazaqstandyq sulýlyq ındýstrııasynyń kásipqoılary, jergilikti bıznes ókilderi jáne sulýlyqqa jany qumar tutynýshylar arasyndaǵy jetekshi ıtalııalyq óndirýshilermen kásibı qarym-qatynas ornatýǵa arnalǵan biregeı iskerlik alań.

Is-shara qazaqstandyq bıznesmenderge ıtalııalyq óndirýshilerdiń kóp bóligimen tikeleı baılanys ornatýǵa, jańa isker seriktester tabýǵa, yntymaqtastyq sharttaryn talqylaýǵa, naryqty zertteýge, usynystardy taldaýǵa jáne arnaıy baǵalar boıynsha kelisimsharttar jasaýǵa múmkindik beredi.

Bul – SDB men Cosmetica Italia salalyq kompanııalar qaýymdastyǵynyń birlesken bastamasy. Onyń ishinde búkil Italııada ornalasqan transulttyq korporaııalardan bastap shaǵyn jáne orta óndiristik jáne dıstrıbıýtorlyq fırmalarǵa deıin 640-tan astam kompanııalary qamtylǵan. Cosmetica Italia-ny quraıtyn kompanııalar kosmetıka sektorynyń jalpy ulttyq aınalymynyń 90% quraıdy (2022 jyly 13,3 mlrd eýro). Italııalyq kosmetıka naryǵy Eýropada Germanııa men Franııadan keıingi úshinshi oryn alady.

Italııalyq ónimder halyqaralyq naryqta únemi jańa ári ınnovaııalyq sheshimderdi usynatyn óndirýshilerdiń sapa, qaýipsizdik, ınnovaııa jáne shyǵarmashylyǵy joǵary standarttarymen erekshelenedi. Olarǵa degen suranys únemi joǵary. Dúnıe júzinde tutynylatyn kosmetıkanyń 55 paıyzyn ıtalııalyq fırmalar óndiretinin atap ótsek te jetkilikti bolar. Cosmetica Italia kosmetıka ónerkásibine arnalǵan halyqaralyq Cosmoprof BolognaFiere jármeńkesiniń negizgi seriktesi bolyp sanalady. Olardyń jarty ǵasyrdan astam tabysty yntymaqtastyǵy sulýlyq sektoryndaǵy álemdegi eń iri jármeńkesine, sondaı-aq, Las-Vegastaǵy Cosmoprof North America, Gonkongtaǵy Cosmoprof Asia, Mýmbaıdaǵy Cosmoprof India, Bangkoktaǵy Cosmoprof CBE ASEAN jáne 2024 jyldyń qańtarynan bastap Maıamıdegi Cosmoprof North America Miami sııaqty onyń barlyq halyqaralyq fılıaldarynyń tabysyna aınaldy.

«Qazaqstan men Ortalyq Azııadaǵy tutynýshylar jeke kútimge erekshe kóńil bóledi, bul joǵary sapaly kosmetıkaǵa suranystyń joǵary bolýyna sebep bolyp otyr. Sondyqtan ıtalııalyq óndirýshiler úshin aımaq naryǵyndaǵy jumys óte mańyzdy. Biz jergilikti naryqtaǵy qatysýymyzdy belsendi túrde keńeıtýdemiz, bul bizdiń elden jetkiziletin ónimderge qatysty derektermen de rastalady: mysaly, 2022 jyly ıtalııalyq kosmetıkanyń Ortalyq Azııaǵa eksporty 2021 jylmen salystyrǵanda 24,9%-ke ósti. Qazaqstandy ǵana esepke alatyn bolsaq, munda ósim 40,7%-ke jetti. Qazaqstan jáne jalpy Ortalyq Azııa naryǵymen, jergilikti tutynýshylardyń dástúrlerimen jáne talǵamdarymen tanysý, ári bilimimizdi tereńdetý ıtalııalyq kompanııalar úshin óte mańyzdy jáne qundy ekeni sózsiz. Búgingi basqosý  ıtalııalyq parfıýmerııa sektory men Qazaqstan men aımaq arasynda uzaq merzimdi yntymaqtastyq ornatýdyń negizi bolmaq», – dep atap ótti Cosmetica Italia vıe-prezıdenti Fabıo Frankına.

О́z kezeginde Almatydaǵy SDB dırektory Martıno Kastellanı myrza Italııanyń óndiristik kompanııalary men Qazaqstan kásipkerleri arasyndaǵy ekonomıkalyq jáne saýda baılanystaryn nyǵaıtýdyń mańyzdylyǵyn atap ótti. Onyń pikirinshe, munda parfıýmerııa jáne kosmetıka salasyndaǵy halyqaralyq sarapshylardan kásibı keńester men usynystar alý múmkindigi ǵana emes, sonymen qatar tikeleı kelisimsharttar ornatý múmkindigi de óte mańyzdy. Mundaı baılanystar Qazaqstan men óńir naryǵynyń osy salasyn joǵary deńgeıge kóterýge múmkindik beredi.

Italııalyq kosmetıka jáne parfıýmerııa bıznesi Ortalyq Azııadaǵy kompanııalarmen ózara árekettesýdi joǵary baǵalaıtynyn atap ótken jón. Biz ıtalııalyq óndirýshilerdiń Qazaqstan jáne jalpy aımaq kompanııalarymen yntymaqtastyǵy birlesken kommerııalyq jobalar turǵysynan da paıdaly dep esepteımiz. Tájirıbe almasýdy júzege asyrǵysy keletin, saýda-sattyq qarym-qatynasyn, sondaı-aq jeke parfıýmerııa óndirisin ornatqysy keletin kásipkerler úshin paıdaly dep sanaımyz. Mundaı salalyq kórmeler aldaǵy ýaqytta da qajet degen senimdemiz. Bul Italııa ónerkásibi úshin naryqty keńeıtý úshin qosymsha yntalandyrý, sonymen qatar aımaqtaǵy jańa zamanaýı óndiristerdi birlesip damytý úshin tamasha múmkindik», – dep atap ótti Martıno Kastellanı.

Harper’s BAZAAR Kazakhstan jýrnalynyń bas redaktory Larısa Azanovanyń pikirinshe, sulýlyq naryǵyndaǵy ıtalııalyq sarapshylar óz prezentaııalarymen tanystyryp, sheberlik dáristerin ótkizip, Qazaqstan men Ortalyq Azııanyń bıznes qurylymdaryna búgingi aǵymdaǵy dúnıeler týraly aıtyp berýi, sonymen qatar tutynýshylardy jańa ónimder men eýropalyq tájirıbemen tanystyrýy, túrli qalalar men oblystardan kóptegen mamandardy tartýǵa jaǵdaı jasaıdy.

«Italııada kóptegen zaýyttar otbasylyq óndiris oryndary bolyp kóptegen jyldar, tipti ǵasyrlar boıy jumys istep keledi. Eger atasy parfıýmer bolsa, nemeresi de parfıýmer bolady. Tujyrymdamalyq tásilderdegi, tehnologııalardy engizýdegi, sondaı-aq hosh ıistendirgishter fılosofııasynyń ózinde bir túbegeılik qalyptasqan. Búginde biz osynyń barlyǵyn elimizdiń jetekshi óndirýshileriniń óniminen anyq baıqaımyz. Jańa sheshimderde toly, ǵasyrlar boıy qalyptasqan dástúrdiń áserin de, múldem jańa dúnıelerdi tabýǵa degen umtylysty da sezinýge bolady. Búgingi tańda Italian Beauty Days is-sharasyna qarapaıym ıtalııalyq kompanııalar emes, óz óndirisinde eń ozyq tehnologııalardy qoldanatyn kompanııalar qatysady. Italııada sulýlyq ındýstrııasynda únemi tereń ǵylymı zertteýler júrgiziledi. Osy zertteýlerdiń arqasynda parfıýmerııalyq jáne kosmetıkalyq ónimder eń ozyq ǵylymı ázirlemelerge negizdelgen. Dál osy zerttemeler álemdik naryqtyń erteńi bolmaq. Osy turǵydan alǵanda, ıtalııalyq jetekshi brendterdiń shash, bet-álpet pen dene kútimi salasyndaǵy, ásirese kásibı segmenttegi ónimderimen jáne usynystarymen tanysý qazaqstandyq mamandar men kompanııalar úshin óte mańyzdy», – dedi Larısa Azanova.

Saltanat QAJYKEN,

ALMATY