اۋىر اتلەت ۆلاديمير سەدوۆ ءوز-وزىنە قول جۇمسادى

بەلگىلى سپورتشى 2008 جىلعى بەيجىڭ وليمپياداسىنا قاتىسقان اۋىر اتلەت، ءتورت دۇركىن قازاقستان چەمپيونى ۆلاديمير سەدوۆ ءوز-وزىنە قول جۇمسادى. ول 35 جاسىندا كوز جۇمدى.

ۆلاديمير سەدوۆ 1988 جىلى 2 ناۋرىزدا قازىرگى جەتىسۋ وبلىسىنا قاراستى ۇشتوبە قالاسىندا تۋعان. ۇلكەن اعاسى سەرگەي سەدوۆ تا اۋىر اتلەتيكامەن اينالىسقان. قازىر ول جاتتىقتىرۋشى.

ۆلاديمير سەدوۆ 2008 جىلى بەيجىڭ وليمپياداسىنا قاتىسقاننان كەيىن ونىڭ اعزاسىنان تىيىم سالىنعان زاتتار تابىلدى. حالىقارالىق وليمپيادا كوميتەتى دۇنيەجۇزىلىك انتيدوپينگ اگەنتتىگىمەن بىرىگىپ ۇيىمداستىرعان تەكسەرىس كەزىندە سەدوۆتىڭ «ا» سىناماسىندا ستانوزولول شىقتى.

2009 جىلى ول الەم چەمپيونى اتاندى. بىراق ونىڭ اعزاسىنان تاعى دوپينگ تابىلدى.

2016 جىلى سەدوۆتىڭ اعزاسىندا دوپينگتىڭ بار ەكەنىن انىقتالدى. بۇل كەزگە دەيىن ول قازاقستاننىڭ ءتورت دۇركىن چەمپيونى بولعان ەدى. 2019 جىلى  سەدوۆ 2008 – 2016 جىلدار ارالىعىنداعى بارلىق اتاعىنان ايىرىلدى. ول اتاعىنان ايىرىلعان كەزدە جاتتىقتىرۋشى الەكسەي ني مەن يليا ءيليندى ايىپتادى.

ەسكە سالا كەتسەك، 2021 جىلى تاعى ءبىر اۋىر اتلەت البەت ليندەر ءوز-وزىنە قول جۇمساعان ەدى. ول 25 جاستا بولاتىن.

Sportpress.kz اقپاراتتىق-ساراپتامالىق سپورت سايتىنىڭ رەداكتسياسى اۋىر اتلەتتىڭ قازاسىنا بايلانىستى ونىڭ تۋعان-تۋىستارىنا كوڭىل ايتادى.