Qazsport telearnasyna 10 jyl toldy (FOTO)

Astanada Qazaqstan teleradıokorporaııasy Qazsport telearnasynyń 10 jyldyq mereıtoıyna arnalǵan saltanatty shara ótkizdi, dep habarlady TRK-nyń baspasóz qyzmeti.

Open Air  pishininde uıymdastyrylǵan merekelik keshke Aqparat jáne qoǵamdyq damý mınıstri Darhan Qydyráli, Mádenıet jáne sport mınıstri Ashat Oralov, Parlament depýtattary, federaııa ókilderi men sportshylar qatysty.

Qazsport telearnasy Qazaqstan respýblıkalyq teleradıokorporaııasynyń quramynan 2013 jyldyń 1 shildesinen bastap ashyldy. Osy aralyqta arnanyń habar taratý kólemi 66 723 saǵat boldy. Kórermen nazaryna 15 myń translıaııa usynyldy.

Aqparat jáne qoǵamdyq damý mınıstri Darhan Qydyráli elimizdegi tuńǵysh sport telearnasyn alǵashqy belesimen quttyqtaı kele, bıyl sport jýrnalıstıkasyna erekshe kóńil bólingenin atap ótti.

Qazsport 10 jylda úlken belesten ótti. Sporttyq jarystardy taratyp qana qoımaı, sporttyq rýhtyń baıraǵyna aınaldy.  Biz sport jýrnalıstıkasyna erekshe kóńil bólip otyrmyz. Bıylǵy «Tumar» báıgesine tuńǵysh ret sport jýrnalıstıkasy boıynsha atalym qosyldy. Aramyzdan erte ketken Amangeldi Seıithan atyndaǵy nomınaııaǵa laıyq mamandar osy telearnadan da shyǵady degen oıdamyn, — dedi mınıstr.

Mádenıet jáne sport mınıstri Ashat Oralov patrıotızmdi damytýda otandyq sporttyń róli erekshe ekenin aıtty.

Patrıotızmdi damytýda sporttyń orny erekshe. Kók týymyzdy jeńis tuǵyrynan jelbiretetin de, Ánuranymyzdy shyrqatatyn da bizdiń sportshylar. Al olardyń jeńisin Qazsport telearnasy arqyly nasıhattap, jas býynnyń boıyna otansúıgishtik qasıetti darytamyz. On jyldyqtaryńyz qutty bolsyn!, — dedi ol.

Merekelik keshke Olımpııalyq oıyndardyń júldegeri Dáýlet Turlyhanov, bokstan Olımpıada chempıony Serik Sápıev, bokstan álem chempıony Sanjar Táshkenbaı, aýyr atletıkadan tórt dúrkin Álem chempıony Ilıa Ilın, short-trekten Álem kýbogynyń júldegeri Abzal Ájiǵalıev, kórkem gımnastıkadan halyqaralyq dárejedegi sport sheberi Anna Alıabeva qatysyp, Qazsport arnasyn mereıtoıymen quttyqtady.

Jıynda Qazaqstan teleradıokorporaııasynyń basqarma tóraıymy Lázzat Tanysbaı arnanyń búgingi baǵyt-baǵdary men aldaǵy josparlary týraly atap ótti.

10 jylda arna sport jýrnalısteriniń, sport kommentatorlarynyń ustahanasyna aınaldy. Olardyń kásibı shyńdalýyna zor úles qosty. Qazsport arnasynyń negizgi maqsaty – otandyq kórermenderdi respýblıkalyq, halyqaralyq, álemdik jarystardyń translıaııasymen qamtý, sonymen qosa qazaqstandyqtardy salaýatty ómir saltyna baýlı otyryp, kishkentaı kórermenderimizdiń arasynan sport juldyzdarynyń, bolashaq chempıondardyń shyǵýyna yqpal etý.

Alda  sport jankúıerlerine bıylǵy XIX Jazǵy Azııa oıyndaryn, XXXIII Jazǵy Olımpııalyq oıyndardy, fýtboldan 2024 jylǵy Eýropa chempıonatyn kórsetý boıynsha kelissózder júrgizilýde, — dedi basqarma tóraıymy.

Qazsport telearnasy táýligine 18 saǵat habar taratady. Telearna sporttyq translıaııalardan bólek, Sport Review aqparattyq-saraptamalyq baǵdarlamasyn,Qazsport alańy tok-shoýyn, el fýtbolyna arnalǵan «Dop doda», «Týr po týrý»,  Pro Football jobalaryn,  hokkeıge arnalǵan Pro Hockey, voleıbol sportyna baǵyttalǵan «S volley k pobede», kásipqoı boks baǵytyndaǵy The  Ring, sporttyń ár túrin qamtıtyn «Júırikter joly» jobalaryn turaqty túrde kórsetip keledi.

FOTO: Qazaqstan teleradıokorporaııasy