«Jamby atý» federaııasy resmı túrde halyqaralyq alıans múshesi atandy

Elimizde at ústinde sadaq atý sporty resmı túrdegi damý jolyn 2014 jyly bastady. Al, búginde jamby atýdan jasóspirimder, jastar, eresekter arasyndaǵy Qazaqstan chempıonaty turaqty túrde ótip turady, dep habarlady halyq-uni.kz.

Jýyrda QR «Jamby atý» federaııasynyń prezıdenti Erkebulan Ilıasov atalǵan sport túrin halyqaralyq deńgeıde damytý maqsatynda 2023-2027 jyldarǵa arnalǵan damý baǵdarlamasyn qabyldady.

Osy damý baǵdarlamasy aıasynda Vengrııa elinde ótip jatqan Álem kýbogynda halyqaralyq kelisimder jasaldy.

Álem kýbogyna barǵan Halyqaralyq at ústinde sadaq atý alıansy (shtab-páteri Franııada ornalasqan) prezıdenti Alan Le Galmen eki jaqty yntymaqtastyqqa qol qoıyldy.

Sondaı-aq, at ústinde sadaq atýdan Vengrııa akademııasynyń prezıdenti Krıstofer Nemetımen de eki jaqty yntymaqtastyqqa qol qoıyldy.

Atalǵan memorandýmdar aıasynda elimizdegi jamby atý sporty jańa qarqynmen damymaq. Sebebi, yntymaqtastyqta halyqaralyq negizdegi ádistemelik tájirıbe almasýlar, semınarlar men sporttyq jattyǵýlar ótkizý, osy sport túrindegi jańa tehnologııalar men ózgeristerdi eki jaqty ońtaılandyrý máseleleri qamtylǵan.

Halyqaralyq deńgeıdegi kelisimder nátıjesinde elimizde at ústinde sadaq atý akademııasy ashylyp, sadaq, jebe jasaý óndirisi iske qosylatyn bolady.

Aıta keteıik, respýblıkalyq «Jamby atý» federaııasy Ulttyq sport qaýymdastyǵynyń quramyna kiredi. Al, Qaýymdastyqtyń prezıdenti bolyp ótken jyldyń qyrkúıek aıynan bastap belgili kásipker jáne meenat, Altyn Qyran Foundation qoǵamdyq qory qamqorshylyq keńesiniń tóraǵasy Islambek Saljanov saılanǵan bolatyn.

FOTO: Ulttyq sport qaýymdastyǵy