سپورتشىلار مەن جاتتىقتىرۋشىلارعا ءومىر بويى بەرىلەتىن سىياقى كولەمى بەكىتىلدى

مادەنيەت جانە سپورت مينيسترلىگى 3 شىلدەدەگى بۇيرىعىمەن سپورتشىلار مەن جاتتىقتىرۋشىلارعا ءومىر بويى اي سايىن تولەم جاساۋ قاعيداسىن بەكىتتى.

ەندى جاقسى ناتيجە كورسەتكەن سپورتشىلار ءومىر بويى اي سايىن مىناداي مولشەردە ماتەريالدىق كومەك الادى:

— وليمپيادا، پاراليمپيادا جانە سۋردليمپيادا ويىندارىنىڭ چەمپيونى مەن جۇلدەگەرلەرى، سونداي-اق وليمپيادالىق سپورت تۇرلەرىنەن الەم چەمپيونى اتاعىن جەڭىپ العان سپورتشىلار – 100 اەك (2023 جىلى – 345 000 مىڭ تەڭگە);

— وليمپيادا، پاراليمپيادا جانە سۋردليمپيادا ويىندارىنىڭ چەمپيونى مەن جۇلدەگەرلەرىنىڭ، سونداي-اق وليمپيادالىق سپورت تۇرلەرى بويىنشا الەم چەمپيونى اتاعىن جەڭىپ العان سپورتشىلاردىڭ جاتتىقتىرۋشىلارى – 100 اەك.

ماتەريالدىق قامسىزداندىرۋ رەسپۋبليكالىق بيۋدجەت قاراجاتى ەسەبىنەن دەنە شىنىقتىرۋ جانە سپورت سالاسىنداعى ۋاكىلەتتى ورگاننىڭ بيۋدجەتتىك باعدارلامالارى ارقىلى تولەنەدى.

ماتەريالدىق قامسىزداندىرۋ سوماسى سپورتشىلاردىڭ ەكىنشى دەڭگەيلى بانك شوتىنا اۋدارىلادى.

دوپينگ قولدانعان نەمەسە قولدانۋعا ارەكەت جاساعان جاعدايدا سپورتتىق ناتيجە جويىلىپ، ءومىر بويعى تولەم توقتاتىلادى.

بۇيرىق 2023 جىلعى 16 شىلدەدە كۇشىنە ەنەدى.

داستان كەنجالين،

استانا