Sportshylar men jattyqtyrýshylarǵa ómir boıy beriletin syıaqy kólemi bekitildi

Mádenıet jáne sport mınıstrligi 3 shildedegi buıryǵymen sportshylar men jattyqtyrýshylarǵa ómir boıy aı saıyn tólem jasaý qaǵıdasyn bekitti.

Endi jaqsy nátıje kórsetken sportshylar ómir boıy aı saıyn mynadaı mólsherde materıaldyq kómek alady:

— Olımpıada, Paralımpıada jáne Sýrdlımpıada oıyndarynyń chempıony men júldegerleri, sondaı-aq olımpıadalyq sport túrlerinen álem chempıony ataǵyn jeńip alǵan sportshylar – 100 AEK (2023 jyly – 345 000 myń teńge);

— Olımpıada, Paralımpıada jáne Sýrdlımpıada oıyndarynyń chempıony men júldegerleriniń, sondaı-aq olımpıadalyq sport túrleri boıynsha álem chempıony ataǵyn jeńip alǵan sportshylardyń jattyqtyrýshylary – 100 AEK.

Materıaldyq qamsyzdandyrý respýblıkalyq bıýdjet qarajaty esebinen dene shynyqtyrý jáne sport salasyndaǵy ýákiletti organnyń bıýdjettik baǵdarlamalary arqyly tólenedi.

Materıaldyq qamsyzdandyrý somasy sportshylardyń ekinshi deńgeıli bank shotyna aýdarylady.

Dopıng qoldanǵan nemese qoldanýǵa áreket jasaǵan jaǵdaıda sporttyq nátıje joıylyp, ómir boıǵy tólem toqtatylady.

Buıryq 2023 jylǵy 16 shildede kúshine enedi.

Dastan KENJALIN,

ASTANA