Seıdilda Baıshaqov ómirden ótti

Búgin 73 jasyna qaraǵan shaǵynda belgili fýtbolshy Seıdilda Baıshaqov ómirden ótti.

Seıdilda Ikramuly 1950 jyly 28 tamyzda Taraz qalasynda týǵan.

1968 jyly «Energetık» klýbynda oınady. 1969 jyly Qazaq KSR chempıonatynda tuńǵysh ret alańǵa shyqty. 28 sáýirde Pavlodardyń «Traktor» komandasymen matchqa qatysty.

1971 jyly Almatynyń «Qaırat» klýbyna aýysty. 27 naýryzda Voroshılov qalasynyń «Zarıa» klýbyna qarsy KSRO kýbogynda tuńǵysh ret «qaırattyqtardyń» qaqpasyn qorǵady. Osy oıynnan 12 kún ótken soń Lenıngradtyń «Zenıt» komandasyna qarsy oıynda tuńǵysh ret KSRO chempıonatynyń joǵary lıgasynda alańǵa shyqty. Maýsym bitkenshe 29 matchta alańǵa shyqty.

Tuńǵysh golyn 1972 jyly 2 tamyzda SKA (Dondaǵy Rostov) qaqpasyna saldy. Bul oıyn 1:1 esebimen teń aıaqtaldy. Uzamaı klýbtyń kapıtany bolyp taǵaıyndaldy. Baıshaqov «Qaırattyń» kapıtany bolyp mansabyn aıaqtaǵansha atqardy.

1977 jyly KSRO quramasy sapynda eki oıynda alańǵa shyqty. Tuńǵysh oıynyn 30 sáýirde Vengrııaǵa qarsy ótkizdi. Odan keıin 10 mamyrda Grekııa quramasymen oınady. Eki matchta da Seıilda Baıshaqov 90 mınýtty tolyq oınady.

Biraq budan keıin quramaǵa qaıta shaqyrylmady.

Seıdilda Baıshaqov «Qaırat» sapyndaǵy eń sońǵy oıynyn 1981 jyly 4 sáýirde «Tavrııaǵa» qarsy ótkizdi. Bul oıynda esep ashylmady. Sońǵy golyn sol jyly 26 naýryzda Máskeýdiń «Torpedo» klýbynyń qaqpasyna saldy. Bul onyń KSRO chempıonattaryndaǵy 11-goly boldy.

Fýtbolmen qoshtasqan soń kelesi jyly «Qaırattyń» bas jattyqtyrýshysy Bea Iojeftiń kómekshisi qyzmetine taǵaıyndaldy. Bul qyzmetti 1988 jylǵa deıin atqardy.

2007 – 2016 jyldar aralyǵynda Qazaqstan fýtbol federaııasynyń vıe-prezıdenti boldy. Odan keıin federaııanyń prezıdenti qyzmetin atqardy.

Seıdilda Ikramuly 2020 jyly prezıdenttiń jarlyǵymen «Parasat» ordenimen, «Qazaqstan Respýblıkasynyń 25 jyly» mereıtoılyq medalimen marapattalǵan.