مەسسي جاڭا كلۋبىندا مەديتسينالىق تەكسەرىستەن ءوتتى

ارگەنتينا ۇلتتىق قۇراماسىنىڭ شابۋىلشى ليونەل مەسسي «ينتەر مايامي» كلۋبىنىڭ جاتتىعۋىندا بولدى. وسى جەردە ول بولاشاق كوماندالاستارىمەن كەزدەستى.

ESPN-ءنىڭ حابارالۋىنشا، كەزدەسۋدەن كەيىن مەديتسينالىق تەكسەرىستەن دە وتكەن. بىراق «ينتەر مايامي» كلۋبىنىڭ باسشىلىعى ونىڭ فوتوسۋرەتتەرىن رەسمي تۇردە كەلىسىمشارت جاسالمايىنشا جاريالاۋعا رۇقسات بەرمەدى.

«ينتەر مايامي» كلۋبى اقش-تىڭ MLS ليگاسىندا وينايدى. كلۋبقا انگليا قۇراماسىنىڭ ەكس-جارتىلاي قورعاۋشىسى دەۆيد بەكحەم بىرىگىپ قوجالىق ەتەدى.

مەسسي 2021 جىلدان باستاپ پاريجدىك كلۋب نامىسىن قورعادى. وتكەن ماۋسىمدا ارگەنتينالىق شابۋىلشى 58 ماتچقا قاتىسىپ، 22 گول سالىپ، 30 ناتيجەلى پاسپەن كوزگە ءتۇستى. ول پسج-نىڭ قۇرامىندا ەكى رەت فرانتسيانىڭ چەمپيونى بولىپ، ءبىر رەت وسى ەلدىڭ سۋپەركۋبوگىنىڭ يەگەرى اتاندى.

ەندى ول امەريكالىق كلۋبتاعى العاشقى ماتچىن 21 شىلدەدە وتكىزۋى مۇمكىن. وسى كۇنى «ينتەر مايامي» مەكسيكالىق «كرۋس اسۋل» كومانداسىمەن وينايدى.

مەسسي – «التىن دوپ» سىيلىعىن 7 رەت، «التىن بۋتسى» پرەمياسىن 6 رەت العان تاريحتاعى جالعىز فۋتبولشى.

داستان كەنجالين،

استانا