Азия чемпионаты: Қазақстанның тағы үш балуаны жүлде алды

Иорданияның Амман қаласында өтіп жатқан Азия чемпионатында әйелдер күресінен еліміздің 15 жасқа дейінгі жасөспірімдер құрамасы 3 медаль алды.

12 шілдеде күрес түрлерінен 15 және 20 жасқа дейінгі жасөспірімдер мен жастар арасында жалауын көтерген Азия чемпионатының екінші күні әйелдер күресінен ел құрамасы қоржынына үш жүлде түсті.

Азия чемпионатында Сания Солтанғали (39 кг) мен Мейрамгүл Ахметжан (46 кг) финалда қарсыластарына есе жіберіп, күміс жүлде алды.

Ал Фарида Абдрахманова (50 кг) қола жүлдеге ие болды.

Кеше грек-рим күресінен 15 жасқа дейінгі жасөспірімдер арасында Қазақстан балуандары 3 алтын, 2 күміс және 3 қола медаль жеңіп алды.

Дастан КЕНЖАЛИН,

АСТАНА