Azııa chempıonaty: Qazaqstannyń taǵy úsh balýany júlde aldy

Iordanııanyń Amman qalasynda ótip jatqan Azııa chempıonatynda áıelder kúresinen elimizdiń 15 jasqa deıingi jasóspirimder quramasy 3 medal aldy.

12 shildede kúres túrlerinen 15 jáne 20 jasqa deıingi jasóspirimder men jastar arasynda jalaýyn kótergen Azııa chempıonatynyń ekinshi kúni áıelder kúresinen el quramasy qorjynyna úsh júlde tústi.

Azııa chempıonatynda Sanııa Soltanǵalı (39 kg) men Meıramgúl Ahmetjan (46 kg) fınalda qarsylastaryna ese jiberip, kúmis júlde aldy.

Al Farıda Abdrahmanova (50 kg) qola júldege ıe boldy.

Keshe grek-rım kúresinen 15 jasqa deıingi jasóspirimder arasynda Qazaqstan balýandary 3 altyn, 2 kúmis jáne 3 qola medal jeńip aldy.

Dastan KENJALIN,

ASTANA