Túrkistanda Azııa oıyndaryna baratyn taekvondoshylar anyqtaldy (FOTO)

Túrkistan qalasyndaǵy Olımpııalyq ortalyqta taekvondodan (WT) eresekter arasynda Qazaqstan kýbogy aıaqtaldy.

Mádenıet jáne sport mınıstrligi Sportty damytý dırekııasynyń habarlaýynsha, bıyl jańa pishinde ótken básekede 10 salmaqta (erler 5, áıelder 5) chempıon anyqtaldy. Áýeli eki kún boıy ár salmaqta chempıon anyqtaý úshin jarys boldy. Sosyn sportshylar taǵy birneshe kún boıy óz salmaǵyn ustap turyp, sheshýshi kúni shırek fınalıster arasynan top jarǵan sportshymen Sýperfınalda aıqasty. Osy jekpe-jekte basym túskeni elimizdiń namysyn Azııa oıyndarynda qorǵaýǵa múmkindik aldy.

Qazaqstan kýbogyn ıelengen taekvondoshynyń biri Nurbek Ǵazezdiń aıtýynsha, tarazynyń basynda Azııa oıyndaryna beriletin joldama turǵandyqtan eshkim aıanǵan joq.

Kesheli beri jattyqtyrýshym ekeýmiz Sýperfınalǵa daıyndaldyq. Eljan ekeýmiz bir qalanyń sportshysymyz. Jospar qarsylastyń kim bolatynan qaramaı eki raýnd bar kúshimdi salyp, aıqasý boldy. Tarazynyń basynda Azııa oıyndaryna beriletin joldama turǵandyqtan eshkim aıanyp jatqan joq. Onyń ústine bizdiń salmaqqa aýysqan basqa taekvondoshylar bar. Endi halyqararalyq jarysqa myqtap daıyndalamyz, — dedi ol.

Sondaı-aq kúzde Azııa oıyndaryna qatysýshy ár memleketten bir tóreshi shaqyrylady. Bıyl Qazaqstan atynan qurlyq dodasyna halyqaralyq dárejedegi tóreshi Dáýren Alǵabaev barady.

Jańa pishinde ótken bıylǵy Qazaqstan kýbogy tóreshilerge qıyn, tańsyq boldy deı almaımyn. Bizge emes, sportshylar úshin bári jańadan bastaldy. Osy formattyń maqsaty – taekvondoshylardyń kóp salmaq qýýynyń aldyn alý. Munyń halyqaralyq jarystar kezinde keri áser etetinin jıi aıtyp júrmiz. Menińshe, osy tájirıbeni eresektermen qosa jastar arasyndaǵy jarystarda qoldaný kere, — dep aıtty bıylǵy Qazaqstan kýbogynyń bas tóreshisi Dáýren Alǵabaev.

Bıylǵy básekede jalpy esepte Almaty qalasynyń komandasy top jarsa, Atyraý oblysy ekinshi, Jambyl oblysy úshinshi oryn aldy.

Al tómende attary kórsetilgen taekvondoshylar el kýbogyn ıelendi:

Áıelder:

49 kg – Botakóz Qapanova (Qyzylorda)

53 kg – Azıza Qarajanova (Jambyl oblysy)

57 kg – Marııa Sevostıanova (Atyraý)

67 kg – Nuraı Qusaıynova (Atyraý oblysy)

+67 kg – Jansel Denız (Almaty qalasy)

Erler:

58 kg – Eldos Ysqaq (Jambyl oblysy)

63 kg – Nurbek Ǵazez (Almaty qalasy)

68 kg – Eldar Birimbaı (Mańǵystaý oblysy)

80 kg – Nurlan Myrzabaev (Túrkistan oblysy)

+80 kg – Smaıyl Dúısebaı (Túrkistan oblysy).

 

Shamken BAIYRBEK,

ASTANA

FOTO: Mádenıet jáne sport mınımtrliginiń Sportty damytý dırekııasy