جىبەك قۇلامباەۆا تۇڭعىش رەت ريم ءتۋرنيرىنىڭ جەڭىمپازى اتاندى

قازاقستان تەننيسشىسى جىبەك قۇلامباەۆا جۇپتىق سىندا يتاليانىڭ ريم قالاسىندا وتكەن ITF W60 ءتۋرنيرىنىڭ جەڭىمپازى اتاندى، دەپ حابارلادى قازاقستان تەننيس فەدەراتسياسى.

قۇلامباەۆا بەلۋرۋس وكىلى  يۋليا گوتوۆكومەن بىرگە فينالدا جارىستىڭ ءبىرىنشى راكەتكالارى، كولۋمبيالىق يۋليانا ليزارازو مەن ماريا پاۋلينامەن كەزدەسىپ، ەكى سەتتە 6:4، 6:4 ەسەبىمەن جەڭىسكە جەتتى.

تاعى ءبىر قازاقستاندىق سپورتشى 15 جاستاعى اقتوبە تەننيس مەكتەبىنىڭ تۇلەگى زارا داركەن يتاليانىڭ پالەرمو قالاسىندا وتكەن WTA 250 تۋرنيرىندە العاشقى ماتچىن وتكىزدى. زارا ىرىكتەۋ سايىسىندا الەمنىڭ 316-راكەتكاسى، نيدەرلاندىلىق ەۆا ۆەددەرگە 2:6، 1:6 ەسەبىمەن جول بەردى.

ال اندرەي گولۋبەۆ جۇپتىق سىندا اۆستريانىڭ زالتسبۋرگ قالاسىندا اياقتالعان چەللەندجەر ءتۋرنيرىنىڭ جەڭىمپازى اتاندى.

ول ۋكراينالىق دەنيس مولچانوۆپەن بىرگە فينالدا ءۇندى تەننيسشىلەرى انيرۋد ساندراسەكار مەن ۆيدجاي سۋندار پراشانتپەن چەمپيوندىق اتاققا تالاستى.

ءبىرىنشى پارتيادا قازاقستاندىق-ۋكراينالىق جۇپ 6:4 ەسەبىمەن باسىم ءتۇستى. سودان كەيىن ەكىنشى سەتتە تاي-برەيكتە 7:6 (10:8) ەسەبىمەن نامىستى قولدان بەرمەدى.