ۇلتتىق سپورت تۇرلەرىمەن اينالىساتىن ازاماتتاردىڭ سانى 35 پايىزعا ارتتى – سارسەن قۇرانبەك

مادەنيەت جانە سپورت ۆيتسە-ءمينيسترى سارسەن قۇرانبەك ەلىمىزدە سوڭعى 3 جىلدا ۇلتتىق سپورت تۇرلەرىمەن جۇيەلى تۇردە اينالىساتىن ازاماتتاردىڭ سانى 35 پايىزعا ارتقانىن ايتتى.

بۇل تۋرالى ۆەدومستۆونىڭ رەسمي سايتى حابارالدى.

ونىڭ ايتۋىنشا، ەگەر 2020 جىلى 432 مىڭ ادام ۇلتتىق سپورت تۇرلەرىمەن اينالىسسا، 2022 جىلدىڭ سوڭىندا بۇل سان 584 مىڭ ادامعا جەتتى.

ەڭ ۇلكەن كورسەتكىش تۇركىستان وبلىسىندا تىركەلدى. بۇل جەردە  110 مىڭنان استام ادام ۇلتتىق سپورت تۇرلەرىمەن اينالىسادى. بىردەن بىرنەشە وبلىستا سپورتشىلار سانى 10 مىڭعا ءوستى. بۇل قوستاناي (13 مىڭنان 23 مىڭعا دەيىن)، قىزىلوردا (20 مىڭنان 30 مىڭعا دەيىن)، پاۆلودار (17 مىڭنان 27 مىڭعا دەيىن)، سولتۇستىك قازاقستان (8 مىڭنان 18 مىڭعا دەيىن) وبلىستارى جانە شىمكەنت قالاسى (10 مىڭنان 20 مىڭعا دەيىن).

ۇلتتىق سپورت تۇرلەرىمەن اينالىساتىندار سانى بويىنشا كوشباسشىلاردىڭ ۇشتىگىنە جامبىل (40 مىڭ ادام) جانە الماتى (39 مىڭ) وبلىستارى كىرەدى.

ۇلتتىق سپورت تۇرلەرىنىڭ تانىمالدىلىعىنىڭ ارتۋى — بۇل مادەنيەت جانە سپورت مينيسترلىگىنىڭ ۇلتتىق سپورتتى دامىتۋ باعىتىنداعى جۇيەلى جۇمىسىنىڭ ناتيجەسى. ارينە، بۇل ءىرى حالىقارالىق تۋرنيرلەردى وتكىزۋ عانا ەمەس. مىسالى، قاجەت ينفراقۇرىلىم قۇرىلىسى بولىپ جاتىر. ەلىمىزدە 16،5 مىڭنان استام جاڭا ۇيىرمەلەر اشىلدى. قولدانىستاعى جارىستاردىڭ فورماتى وزگەرىپ كەلەدى، — دەدى سارسەن قۇرانبەك.

قازاقستان ۇلتتىق قۇراماسىندا سپورتشىلار سانى بويىنشا تۇركىستان (74 ادام)، جامبىل (52 ادام) جانە استانا قالاسى (43 ادام) كوش باستاپ تۇر.

فوتو: نۇرداۋلەت ابىكەەۆ