Ulttyq sport túrlerimen aınalysatyn azamattardyń sany 35 paıyzǵa artty – Sársen Quranbek

Mádenıet jáne sport vıe-mınıstri Sársen Quranbek elimizde sońǵy 3 jylda ulttyq sport túrlerimen júıeli túrde aınalysatyn azamattardyń sany 35 paıyzǵa artqanyn aıtty.

Bul týraly vedomstvonyń resmı saıty habaraldy.

Onyń aıtýynsha, eger 2020 jyly 432 myń adam ulttyq sport túrlerimen aınalyssa, 2022 jyldyń sońynda bul san 584 myń adamǵa jetti.

Eń úlken kórsetkish Túrkistan oblysynda tirkeldi. Bul jerde  110 myńnan astam adam ulttyq sport túrlerimen aınalysady. Birden birneshe oblysta sportshylar sany 10 myńǵa ósti. Bul Qostanaı (13 myńnan 23 myńǵa deıin), Qyzylorda (20 myńnan 30 myńǵa deıin), Pavlodar (17 myńnan 27 myńǵa deıin), Soltústik Qazaqstan (8 myńnan 18 myńǵa deıin) oblystary jáne Shymkent qalasy (10 myńnan 20 myńǵa deıin).

Ulttyq sport túrlerimen aınalysatyndar sany boıynsha kóshbasshylardyń úshtigine Jambyl (40 myń adam) jáne Almaty (39 myń) oblystary kiredi.

Ulttyq sport túrleriniń tanymaldylyǵynyń artýy — bul Mádenıet jáne sport mınıstrliginiń ulttyq sportty damytý baǵytyndaǵy júıeli jumysynyń nátıjesi. Árıne, bul iri halyqaralyq týrnırlerdi ótkizý ǵana emes. Mysaly, qajet ınfraqurylym qurylysy bolyp jatyr. Elimizde 16,5 myńnan astam jańa úıirmeler ashyldy. Qoldanystaǵy jarystardyń formaty ózgerip keledi, — dedi Sársen Quranbek.

Qazaqstan ulttyq quramasynda sportshylar sany boıynsha Túrkistan (74 adam), Jambyl (52 adam) jáne Astana qalasy (43 adam) kósh bastap tur.

FOTO: Nurdáýlet ÁBIKEEV