SportPress.kz قازاقستان سپورت جاڭالىقتارى
فرانتسيا ۇلتتىق قۇراماسىنىڭ شابۋىلشى كيليان مباپپە ساۋد ارابياسىنىڭ «ءال-حيلال» فۋتبول كلۋبىنىڭ مەنەدجەرلەرىمەن كەلىسسوزدەن باس تارتتى. ساۋديالىق كلۋب پسج شابۋىلشىسى ءۇشىن 300 ملن ەۋرو ۇسىنىپ، ماۋسىمىنا 700 ملن ەۋرو جالاقى بەرۋگە ۋادە بەرگەن ەدى.
ساۋد ارابياسى كومانداسىنىڭ وكىلدەرى پاريجگە كيليان مباپپەمەن كەلىسىمشارتتى تالقىلاۋ ءۇشىن ارنايى بارعاندا پسج مەن «ءال-حيلال» وكىلدەرىنىڭ كەلىسسوزدەرى ناتيجە بەرمەدى. كيليان مباپپە ساۋد ارابياسىنىڭ ەڭ اتاقتى كلۋبتارىنىڭ بىرىنە اۋىسقىسى كەلمەدى.
فۋتبول ماماندارىنىڭ بولجاۋىنشا، كيليان مباپپەنىڭ باستى جانە تۇپكى ماقساتى – «رەال مادريد» كلۋبىندا بولۋ. ال ول كلۋب سوڭعى ۋاقىتتا مۇنداي ترانسفەرگە ونشا قىزىعۋشىلىق تانىتپايدى.
ەۋروپاداعى ەڭ تيتۋلدى كلۋب كەلەسى ماۋسىمنىڭ سوڭىن كۇتىپ وتىر. سول ساتتە مباپپە ولارعا تەگىن ترانسفەرمەن قوسىلا الادى.
بۇعان دەيىن «ءال-حيلال» امەريكالىق «ينتەر ماياميگە» اۋىسۋدى تاڭداعان ليونەل مەسسيگە دە 1،2 ملرد ەۋرونىڭ كەلىسىمشارتىن ۇسىنعان بولاتىن.
ەركەعالي بەيسەنوۆ،
استانا
