ەلىمىزدە فۋتبول الاڭدارى جاڭارتىلادى — قفف

قازاقستان فۋتبول فەدەراتسياسى مەملەكەت باسشىسىنىڭ بۇقارالىق سپورتتى دامىتۋعا ارنالعان تاپسىرماسىن ورىنداۋ ماقساتىندا ەلىمىزدە فۋتبول الاڭدارىن قايتا جاڭارتۋ باعدارلاماسىن ىسكە قوستى.

ءۇش جىلعا ارنالعان باعدارلاما ۋەفا-نىڭ قولداۋىمەن ىسكە اسىرىلادى. سونداي-اق جوبا اياسىندا جەكە ينۆەستيتسيالاردى تارتۋ جوسپارلانىپ وتىر.

جوبانىڭ باستى ماقساتى – فۋتبول ينفراقۇرىلىمىن دامىتىپ، بۇقارالىق فۋتبولدى دامىتۋعا جاعداي جاساۋ، — دەلىنگەن حابارلامادا.

قفف-نىڭ مالىمەتىنە قاراعاندا، بيىل باعدارلاما اياسىندا اقتاۋ، الماتى، شىمكەنت، اقتوبە قالالارى جانە جەتىسۋ وبلىسىنداعى ستاديوندارىنىڭ الاڭدارى جاڭارتىلادى.

قازاقستان ۇلتتىق قۇراماسىنىڭ باس جاتتىقتىرۋشىسى ماگومەد اديەۆ پەن «SD Family» كلۋبىنىڭ باسشىسى ديدار سىدىقبەك جوبانىڭ برەند-امباسسادورلارى بولادى.

ال بيىل الماتىداعى تسسكا ستاديونى، جەتىسۋ وبلىسى، بالپىق بي اۋىلىنداعى ب.وڭعاروۆ اتىنداعى ستاديون، شىمكەنت قالاسىنداعى «تسەمەنتنيك»، ، اقتوبەدەگى  №2 بجسم5، اقتاۋداعى  «كاسپي» سپورت كەشەنى رەنوۆاتسيا باعدارلاماسىنا كىرەدى.

داستان كەنجالين،

استانا