Gımnastshy Narıman Qurbanov – Azıadanyń qola júldegeri!

Sporttyq gımnastıkadan at snarıadynda óner kórsetken 25 jastaǵy Narıman Qurbanov qola júldeni ıelendi.

Otandasymyz 15.100 ball jınady. Altyn júldeni taıpeılik  Lı ChI-Kaıǵa (15.500 ball) aldy. Al kúmis júldege japondyq Reta ýmýra (15.166 ball) ıe boldy.

Osylaısha, Qazaqstan sportshylary 11 qola medaldi aldy. Qazir otandastarymyzda 3 altyn men 3 kúmis júlde de bar. Osy júldelermen elimiz jalpykomandalyq esepte toǵyzynshy ornyn saqtap otyr.

Qazaqstan sportshylarynyń maqsaty – Azıada sońyna deıin úzdik bestikte bolý. Qazir Hanchjoýdaǵy Azıadaǵa elimizden sporttyń 30 túrinen 524 sportshy (262 er jáne 262 áıel) qatysyp jatyr. Onyń 27-si olımpııalyq baǵdarlamaǵa kirse, qalǵan 3-eýi – olımpııalyq emes sport túrleri. Sonymen qatar, Azıadada 8 sport túrinen, atap aıtqanda, boks, sadaq atý, qazirgi bessaıys, júzý, breıkıng, kógaldaǵy hokkeı, tennıs jáne jeńil atletıka boıynsha Parıj Olımpıadasyna  lıenzııalar sarapqa salynady.

Jalpy alǵanda, Azııanyń 45 elinen 15 myńnan astam sportshy 40 sport túrinen 481 medal jıyntyǵyna talasyp jatyr.

Týrızm jáne sport mınıstrligi

FOTO: Saıl SABIROV