SportPress.kz Qazaqstan sport jańalyqtary
Búgin Oral qalasynda Batys Qazaqstan oblysynyń bir top úzdik sportshylary men ustazdaryn marapattaý saltanaty bolyp ótti.
Atap aıtar bolsaq, 7 jeltoqsan kúni Almatyda ótken «Jyl úzdikteri-2017» baıqaýynda BQO múmkindigi shekteýli jandarǵa arnalǵan sport klýby elimiz boıynsha eń úzdik sport klýby atanǵan bolatyn. Biraq marapattaý saltanatyna klýb ókilderi qatysa almady. Sol sebepten taǵdyrdyń qatal synyna moıymaı aǵysqa qarsy júzgen qaısar jandardyń marapatyn ózimiz əkelip tapsyrýǵa sheshim qabyldadyq.
Saltanatty sharaǵa oblys sportynyń basshysy Əsııa Rahymqyzy qatysyp, quttyqtaý sóz sóıledi. «Sport juldyzdary» jýrnalynyń bas redaktory Musaǵalı Tasqalıev klýb dırektory Azon Shaımardanovqa «Jyldyń úzdik sport klýby-2017» sertıfıkaty men statýetkasyn jəne «Dene shynyqtyrý men sportty damytýǵa qosqan úlesi úshin» tósbelgisin tabys etti.
Azon aǵamyzdyń oblysta múmkindigi shekteýli jandarǵa arnalǵan sport klýbyn ashýǵa sińirgen eńbegi ushan-teńiz. Ol kisiniń 2013 jyly Mańǵystaý oblysynan Oralǵa kóship kelgendegi armany klýb ashý bolatyn. Jýrnalymyzdyń muqabasyna aǵamyzdy shyǵaryp «Aǵysqa qarsy júzgen adam» degen maqala jarııalaǵan edik. Azekeń sol armanyńa jetip 2016 jyly sport klýby ashylyp, bir jylda óte úlken belesterdi baǵyndyrdy. Munyń bəri múmkindigi shekteýli jan bolsa da halyqaralyq dərejedegi sport sheberi, Qazaqstan Respýblıkasynyń qurmetti sport qyzmetkeri Azon aǵamyzdyń eńbegi ekeni daýsyz. Aǵamyz jaqynda bapkerlikpen aınalysý úshin dırektorlyqtan bas tartyp, ornyna Dınara Əıtıeva taǵaıyndalsa da júlde Azekeńe tabys etildi. Ondaǵy maqsatymyz aǵamyzdyń atqarǵan eńbegine laıyqty baǵasyn berý bolatyn. Endigi jerde Dınara hanym ol kisi bastaǵan isti jalǵastyryp əketedi degen oıdamyz.
Sonymen qatar shara barysynda úzdik dene shynyqtyrý páni muǵalimderi Shamýr Tóleshov pen Aıan Jumaǵalıevter jəne úzdik mýzyka pəni muǵalimderi Aıshabıbi Úmbetııarova men Gúlzına Eslıamǵalıevalar tósbelgilermen marapattaldy.
Shara sońy merekelik aq dastarhan basynda jalǵasyn tapty. Klýb atynan vleıboldan elimiz boıynsha alǵashqy KSRO sport sheberleriniń biri Gúlnar Spanova redakııa ujymyna syılyq usyndy.
Marapattaryńyz qutty bolsyn əriptester!
Bolatbek SAǴYMBAEV,
ORAL
