Almatyda stýdentter karate-dodan kúsh synasty

«Almaty Arena» sport saraıynda jastar men jasóspirimder arasynda kekýshınkaı karate-dodan  Qazaqstan  Respýblıkasynyń ashyq chempıonaty bolyp ótti.  Qazaqtyń Abaı atyndaǵy Qazaq Ulttyq pedagogıkalyq ýnıversıtetiniń 90 jyldyǵy aıasynda uıymdastyrylǵan jarysqa elimizdiń ár óńirinen  500-ge tarta sportshylar qatysyp, jeńis úshin jan aıamaı bar sheberikterin kórsetti.

 Almatylyqtar osyndaı alaman jarysty han saraıyndaı soǵylǵan  sý jańa «Almaty Arena» tórinde tamashalaýdy kópten beri saǵynyp qalsa kerek. Kórermender shyǵys jekpe-jeginen óz aımaqtarynyń mańdaıaldy sportshylarynyń tatamıde jeńis úshin aıanbaı kórsetken sheberlikterine qol soǵyp, qoshemet kórsetip otyrdy. Almaty qalasy deneshynyqtyrý basqaramasy, Abaı atyndaǵy Qazaq Ulttyq pedagıkalyq ýnıversıteti jáne QR Kekýshıkaı karate-do ulttyq federaııasynyń uıymdastyrýymen kórigi qyzǵan bul týrnır qalalyqtarǵa úlken áser qaldyrdy.

Chempıonattyń ashylý saltanatynda sóılegen ýnıversıtetiniń birinshi prorektory Maqtaǵalı Bektemisov oqý ornynyń mereıtoıyna arnalyp otyrǵan aıtýly respýblıkalyq básekeniń jastarǵa bereri tárbıelik máni  zor ekendigine toqtalyp, jas karate sheberlerine jeńisti jekpe-jekter tiledi. Sosyn sóz alǵan QR Keýshınkaı karate-do federaııasynyń prezıdenti Muhtar Joldasov osy jarysta jeńgen sportщylardyń ulttyq qurama sapyna enýge múmkindikteri zor ekenin aıta ketti. Sonymen qatar, jarys jeńimpazdary arasynan 16 jastan asqandary sport sheberi degen ataqqa ıe bolsa, 16 jastan tómengiler sport sheberligine úmitker degen ataqtarmen marapattalatynyn atap ótti.

Jastardy salaýatty ómir saltyna baýlaýda úlken sporttyń orny erekshe dep aıtsaq, osyndaı jarystar arqyly ysylǵan jastardyń elimizdiń namysyn qorǵaı alatyn azamat bolyp qalyptasatyny belgili.  Sonymen Qazaqstannyń  barlyq óńirinen at jeldirtip jetken 20 komandanyń sportshylary kúni boıy tatamıde shúmektep ter tógip, qas qaraıa jeńimpazdar men júldegerlerdi anyqtady. Chempıonatta 37 kg salmaqta boıynsha synǵa shyqqan sportshylardyń arasynda Almaty qalasy komandalyq birinshi oryndy jeńip alsa, ekinshi oryn Astana qalasynyń qurama komandasyna buıyrdy.  Ulttyq qurama  komanda sapyna ený baqytyna ıe bolǵandardy alda Eýropa jarystary kútip tur.

Aqyn ORDABAIULY

ALMATY