SportPress.kz قازاقستان سپورت جاڭالىقتارى
تالدىقورعان قالاسىندا سپورت ارداگەرلەرى اراسىندا قازاق كۇرەسىنەن وتكەن «ارلاندار ايقاسى» قازاقستان چەمپيوناتىندا باتىس قازاقستان وبلىسى قازاق كۇرەسى فەدەراتسياسىنىڭ پرەزيدەنتى قايمەن ەسەندياروۆ التىن جۇلدەنى جەڭىپ الدى.
قايمەن ەسەنامان ۇلى – كۇرەستىڭ بىرنەشە تۇرىنەن سپورت شەبەرى. قازىر ول جاسى 50-دەن اسسا دا بوزكىلەمنەن شىقپاي، جىل سايىن حالىقارالىق، رەسپۋبليكالىق جارىستارعا قاتىسۋدى ادەتكە اينالدىرعان. وسى بەلدەسۋلەردە قايەكەڭ ۇنەمى قۇرمەت تۇعىرىنىڭ ەڭ بيىك ساتىسىنان كورىنىپ، جاستارعا ۇلگى-ونەگە كورسەتىپ كەلەدى.
شىنى كەرەك، قازىر ەلىمىزدە جىگىت اعالارى اراسىندا كۇش-قۋاتىن تەڭ ۇستاپ، الەم چەمپيوناتتارى، حالىقارالىق تۋرنيرلەر مەن جارىستاردا ەل نامىسىن قورعاپ، جۇلدەلەردى جەڭىپ الىپ جاتقان پالۋاندار اسا كوپ ەمەس. سولاردىڭ ءبىرى جانە بىرەگەيى – بىلەكتى پالۋان، بىلىكتى مامان، ءبىلىمدى باسشى قايمەن ەسەندياروۆ. جەڭىس تۇعىرىنان كورىنە بەرىڭىز، قايمەن اعا!
داستان كەنجالين
استانا
