اسپانتاۋدا حالىقارالىق ايقاس وتەدى

27 شىلدە كۇنى اسپانتاۋلار ەتەگىندە، الماتى وبلىسى، كەگەن اۋدانىنىڭ ورتالىعىندا جەكپە-جەك ونەرىنەن المەرەك باتىر اتىنداعى حالىقارالىق تۋرنير جالاۋىن جەلبىرەتەدى.

كەگەن اۋدانىنىڭ اكىمدىگى،  «المەرەك ابىز» قوعامدىق قورى جانە دۇنيەجۇزىلىك جەكپە-جەك قاۋىمداستىعى تىزە قوسىپ ۇيىمداستىراتىن تۋرنير كەگەن اۋدانىنىڭ جانە شىرعاناق اۋىلىنىڭ قۇرىلعانىنا 90 جىل تولۋىنا وراي وتكىزىلمەك. اتا قازاق جەكپە-جەك ايقاسىنان المەرەك باتىر  اتىنداعى حالىقارالىق دودادا  ەلىمىزدىڭ تاڭداۋلى سايىپقىراندارى ورتالىق ازيا ەلدەرىنەن كەلەتىن نوياندارعا قارسى ايقاسقا تۇسەدى.

المەرەك باتىر بابامىزعا تاعزىم ەتۋ قۇرمەتىنە ارنالعان اتا قازاق جەكپە-جەك ۇلتتىق سپورت تۇرىنەن كاسىپقوي سپورتشىلار اراسىنداعى حالىقارالىق تۋرنيرگە قاتىسۋشىلار 10 سالماقتا ايقاسقا تۇسەدى. سونىڭ ىشىندە 2 سالماق دارەجەسىندە چەمپيوندىق اتاق پەن ارنايى  كۋبوك بايگەگە تىگىلەدى.

27 شىلدە كۇنى 14:00-دە باستالاتىن سايىس كەگەن اۋىلىنداعى سپورت الاڭىندا وتەدى.

قۋانىش باجاق،

الماتى