Qazaq kúresiniń qara nary

Jalpy ómirde júrgen jerinde jan-jaǵyna jylý shashyp, adamdarǵa jaqsylyq jasap júretin adamdar bolady. Sondaı asyl azamattyń biri ǵana emes, biregeıi Serik Adambolsynuly Túkeev aǵam asqaraly 62 jasqa tolyp jatyr.

Alaıda, el úshin týylǵan esil er týǵan kúniń otbasy, aǵaıyn-týma, dostarynyń ortasynda emes tar qapasta qarsy alýda. Naqty aıtar bolsaq, jazyqsyz jabylǵan jalanyń qurbany bolyp otyr.

Qazaq kúresin órge súırep júrgen qos birdeı azamat Serik Túkeev pen Islam Ábishevke jala jabylǵanda búkil el bolyp qaıǵyrdyq. Bıýdjet qarjysyn únemdep, trıllıon teńgeni el qazynasyna qaıtartyp bergen Islam Álimqanulynyń úzeńgiles serigi retinde ulttyq sportty ulyqtap júrgen azamattardy qorǵaý týraly elimizdiń belgili tulǵalary bastaǵan sport janashyrlary prezıdentimiz Qasym-Jomart Toqaevqa úndeý hat jazyp, arasha túsýin surady. Alaıda, rekordtyq deńgeıde qol qoıylǵan bul hatqa Memleket basshysynyń áli kúnge únsiz otyrýy aqylǵa syımaıdy. Bizdiń oıymyzsha hat Prezıdenttiń qolyna jetken joq nemese bireýler ádeıi jetkizbeı otyr. Áıtpese, Qasym-Jomart Kemeluly sekildi sport janashyrynyń Islam men Serik aǵamyzdy qoldamaýy, qorǵamaýy múmkin emes.

Búgin 62 jasqa tolyp otyrǵan Serik aǵammen tanystyǵym ol kisi Q.Muńaıtpasov atyndaǵy sport-ınternatty basqaryp turǵan kezde bastalyp edi. Sodan beri aǵaly-inili retinde aralasyp kelemiz. Serik aǵamyz basqarǵan tusta sport-ınternattyń ataǵy dúrildep turdy. Qazir de jaman emes. Biraq, búgingi jeńisti jol kezinde Serik Adamuly salyp ketken sara joldyń jalǵasy dep bilemiz.

Al endi qazaq kúresi dese Serik Túkeevtiń esimi birge atalady. О́ıtkeni, Serik aǵamyz 2004 jyly Dúnıejúzilik qazaq kúresi federaııasynyń prezıdenti bolyp saılanǵannan beri ulttyq kúresimizdi álemdik deńgeıge jetkizý úshin aıanbaı ter tókti. Negizi, sonaý toqsanynshy jyldardyn ortasynan bastap ulttyq kúresti ulyqtaýǵa kirisken Serik aǵam, Baýyrjan Janalın, Dıhanbaı Bıtkózov, Marat Jaqyt sekildi áriptesterimen birge qazaq kúresiniń búgingi qoldanysta júrgen erejesin jasap shyǵarǵanyń, Shtattaǵy ulttyq komandalar dırekııasyn basqaryp turǵan kezde barlyq oblys pen aýdandardaǵy sport mektepterinde qazaq kúresi bólimderin ashqyzǵanyń umytýǵa bolmaıdy. Budan bólek Islam Álmaqanuly ekeýi tize qosa júrip qazaq kúresinen 8 álem, 11 Azııa, 3 Eýropa chempıonatyn, 3 álem kýbogyn, Iran men Brazılııada kadetter men jasóspirimder arasynda álem chempıonattary men OAR-da 2 ret Afrıka birinshiligin, Brazılııada Ońtústik Amerıka chempıonatyn ótkizse, Ashhabadta ótken jabyq keshendegi Azııa oıyndaryna qazaq kúresin kirgizdi. Eń bastysy qazaq kúresinen álemniń 40-tan astam elinde federaııa ashyp, tól kúresimizdi burynǵy FILA, qazirgi UWW-ge múshe qyldy. Mysal retinde aıtar bolsaq álemniń 100 elinde federaııa ashtyq dep kúpinetin ózbekterdiń kýrashy atalǵan uıymǵa áli kire almaı júr.

Munyń bári aıtýǵa ońaı bolǵanmen, qajyr men esepsiz tógilgen mańdaı termen kelgen tynymsyz eńbek. Ulttyq sportqa degen súıispenshilik pen tógilgen mańdaı terdiń jemisin endi kóretin kezde asyl azamattar jazyqsyz jalanyń qurbany boldy. Bárimizdi osy jaǵy qynjyltady. Júregimiz aýyrady. Biraq, mundaı bir týar azamattar aqtalyp shyǵar, qaıtadan el úshin aıanbaı ter tógip, ózderi jaqsy kóretin qazaq kúresin budan da bıik belesterge kóterer degen úmitimiz bar. Osy úmitimiz aldamasa eken!

Serik aǵa! Búgingi 62 jasyńyz qutty bolsyn! Er jigittiń basyna, neler kelip ketpegen demekshi, bul da bir synaq shyǵar. Siz myqtysyz aǵa! Bul synnan múdirmeı óterińizge senimdimiz. Artyńyzda sizdiń tileýińizdi tilep otyrǵan elińiz bar, sizdiń qamqorlyǵyńyzdy kórgen sportshylar qaýymy bar, biz barmyz! «Aqqa Qudaı jaq» deıdi halqymyz. Sizdiń aq ekenińizge biz senemiz. Aman-esen ortamyzǵa oralyp, eshten kesh jaqsy dep týǵan kúnińizdi birge toılaıyq. Allanyń ózi jar bolsyn sizge aǵa!

Musaǵalı TASQALIEV, «Prezıdent jáne sport», «Sport juldyzdary» jýrnaldarynyń bas redaktory, «Qazaq kúresin damytýǵa qosqan úlesi úshin» medaliniń ıegeri.

 Aqtóbe qalasy