Ulttyq sport túrlerinen festıval: jamby atý

Búgin Aqtóbedegi ulttyq sport festıvaliniń Jamby atý básekesi aıaqtaldy. Bul týraly Ulttyq sport qaýymdastyǵy habarlady.

Festıvalǵa Nur-Sultan qalasynyń, Batys Qazaqstan, Qyzylorda, Aqmola, Qaraǵandy, Mańǵystaý, Soltústik Qazaqstan, Qostanaı, Shyǵys Qazaqstan, Túrkistan, Jambyl men Atyraý oblystarynyń mergenderi qatysty.

At ústinen sadaq atýdan baq synaǵan 13 óńirdiń mergenderi arasynan júldeli oryn ıeleri anyqtaldy. Festıvaldyń altyn júldesin 33 upaı ıelengen surmergen Eralhan Aıkóz oljalady. Kúmis júlde 2018 jylǵy Qazaqstan chempıonatynyń jeńimpazy qaraǵandylyq Talǵat Omarbaevqa, qola júlde aqmolalyq mergen Jalǵas Qurmanǵa buıyrdy.

Ulttyq sporttan  V festıvalda jamby atýdan jeńimpaz, júldeger atanǵan sportshylar:

1 oryn – Eralhan Aıkóz (33 upaı) (Túrkistan oblysy)

2 oryn – Talǵat Omarbaev  (25 upaı) (Qaraǵandy oblysy)

3 oryn – Jalǵas Qurman (24 upaı) (Aqmola oblysy)

4 oryn – Abzal Týlybekov (15 upaı) (Jambyl oblysy)

Festıval jeńimpazy, buǵan deıin jamby atýdan tuńǵysh álem chempıony atanǵan   Eralhan mergenniń sporttyq jetistikterimen tanys bolyńyzdar.  Eralhan Jamby atý sportymen shuǵyldanýdy QR Eńbek sińirgen jattyqtyrýshysy Ǵanı Ahmetbaev basqaratyn  Túrkistan oblystyq ulttyq sport mektebinde 2014 jyly bastaǵan.  Jasóspirimder jáne jastar arasyndaǵy Qazaqstan chempıonatynyń birneshe dúrkin chempıony, «Altyn jebe» halyqaralyq týrnıriniń eki dúrkin júldegeri (2017, 2018), Jastar arasyndaǵy I Azııa chempıonatynyń kúmis júldegeri (2019), Eresekter arasyndaǵy Qazaqstan chempıonatynyń kúmis júldegeri (2019), «Altyn jebe» I Álem chempıonatynyń chempıony (2019), ulttyq sporttan V festıvaldiń jeńimpazy (2019).

Eske sala ótelik, erteń Aqtóbe ýaqytymen saǵat 10-da kókpardyń fınaldyq oıyndary bastalady. Sondaı-aq,  tórt jylda bir ret uıymdastyrylatyn  V Ulttyq sport festıvaliniń  saltanatty jabylýy, jeńimpaz sportshylardy marapattaý rásimi tamashalanady.