SportPress.kz Qazaqstan sport jańalyqtary
Qazaq sport jýrnalıstıkasynda tabandy eńbegimen el qurmetine bólenip júrgen qalamgerlerdiń arasynda shoqtyǵy bıik bir jandy erekshe ataǵym keledi. Ol – Musaǵalı Tasqalıev.
Osy jýrnalıstıka salasynan qonys aýdarmaı, kóp jyldar boıy ter tógip, el alǵysyn alyp júrgen bul azamatqa sport súıer qaýymnyń yqylasy erekshe. Qonys aýdarmaı degen sózimniń túp mánine keletin bolsaq, kóptegen jas jýrnalıster aıtýly salaǵa ekpendip kelip, aýyrtpalyǵyna shydamaı, eńkeıip ketip qalyp jatady. Zaman aǵymyna qaraı jeńil jolda tabys kózi durystaý jaqqa bet burady. Al, shyndyǵynda jýrnalıstıka mamandyǵyna janyńnyń qalaýymen qandaı aýyrlyq kezdesse de tózýge daıyn bolyp kelmese esh nátıje bolmaıdy. Bul – aksıoma.
Mine, osy jaǵynyn alǵanda, Musaǵalı Tasqalıevti kópke úlgi bolyp júrgen qoǵamdaǵy naǵyz belsendi, jazýy ótkir, baǵyty durys ardaqty ardager qalamgerdiń qataryna jatqyzar edim. Musaǵalı ózi ashyp alǵan «Sport juldyzdary» men «Bilim nury» jýrnaldary búgingi tańda aqparat aıdynyndaǵy el izdep, surap oqıtyn basylymdardyń birine aınaldy. О́ıtkeni, «Sport juldyzdarynda» elimizdiń ár óńirinde ótip jatqan jarystar men sporttyń shyńyna jetken tulǵalar týraly dúnıeler saraptamalyq túrde baıan etilip otyrady. Al, sport taqyrybynda merzimdi túrde shyǵatyn jýrnaldar qazir joqtyń qasy. Sol turǵydan qaraǵanda Musaǵalıdyń jýrnalyn kóshbasshy dep aıtýǵa bolady. Sondyqtanda oqyrmannyń súıikti jýrnaldarynyń biri. «Bilim nury» jýrnaly da qalyń oqyrmannyń izdep oqıtyn basylymyna aınalǵan.
Musaǵalıdyń taǵy bir ereksheligi onyń aqynjandylyǵy. Onyń qalamynan týǵan jyrlardy búgingi kúni elimizdegi mańdaıaldy ánshiler el ishinde aıtyp júr. Sonymen qatar, júreginen jaryp shyqqan jyrlary eki kitap bolyp basylyp shyqty. Ultjandy arda azamattyń boıynan, ómirge, elge degen súıispenshiligi men qoǵamdaǵy belsendi ómirin kórip, «Bar bol baýyrym», dep qýanyp qalasyń.
Mine, búgin osyndaı el qurmet etken asyl azamat elýdi eńserip otyr. Erdiń jasy elýge kelgen áriptesimiz ári dosymyz Musaǵalı Tasqalıevti dýmandy mereıtoıymen quttyqtaı otyryp, zor densaýlyq, sarqylmas baqyt, baıandy ǵumyr, otbasynyń amandyǵyn tileımin!
Meniń dosym 50-de
Musaǵalı dosym bar Aqtóbede turatyn,
Qabyrǵaly qalamger, tulpar syndy shabatyn.
Shabyttansa aqyn ǵoı, jyrlary bar tartymdy,
Oqyrmany rıza bop, rahattanyp qalatyn.
Aqyn az ba qazaqta mahabbatty jyrlaǵan?
Bul taqyryp talaı tún, uıqyny da urlaǵan.
Musa jazǵan jyrlardan, sezim syryn uǵasyn,
Shýmaqtary pa shirkin, janyndy ottaı baýraǵan.
El sporty degende, Musa atqa qonady,
Saparlatyp tynymsyz, bolyp júr eldiń qonaǵy.
Jýrnalymen qazaqqa qansha jandy tanytty,
Saýap jınap jan dosym, kóńili taýdaı bolady.
Qýanysh pen qaıǵy da dosyn izdep baratyn,
Úlkenge izet, kishini qurmet tutyp turatyn.
Júregi aq jomart jan, Kishi júzdiń batyry,
At mingizip dosyna, júgen ustap qalatyn.
Er jigitke elý jas jarasady baýyrym,
Bir top elin artynda, erip júrgen qaýymyn.
Jaıaý Musa, Birjan sal, Aqan seri sekildi,
Serisiń ǵoı sende bir, basylmaı júrgen daýylyn.
Keıde dosqa jete almaı saǵynýmen júremiz,
Qıyr shette turasyn, ony jaqsy bilemiz.
Júrgen jerin toı-dýman, jarasymdy ázil ǵoı,
О́tken kúndi eske alyp, jadyraımyz, kúlemiz.
Erdiń jasy elýin qutty bolsyn jan dosym,
Yrys qonyp úıine, dastarhanyń mol bolsyn!
Sapardasyn únemi, qalamyndy qolǵa ustap,
Aldyn ashyq árqashan, saıraǵan aq jol bolsyn!
Aqyn ORDABAIULY,
ALMATY
Sportpress.kz aqparattyq-saraptamalyq sport saıtynyń redakııasy qazaq sport jýrnalıstıkasyna ózindik qoltańbasyn qaldyrǵan belgili qalamger, aqyn «Sport juldyzdary» jáne «Bilim nury» jýrnaldarynyń bas redaktory Musaǵalı Tasqalıevti erdiń jasy elý jasqa kelýimen quttyqtap, áriptesimizge densaýlyq, qut-bereke, shyǵarmashylyq tabys tileıdi.
