SportPress.kz Qazaqstan sport jańalyqtary
Aqtóbe qalasyndaǵy «Altyn orda» meıramhanasynda «Sport juldyzdary» respýblıkalyq jýrnalynyń bas redaktory Musaǵalı Tasqalıevtiń 50 jasqa tolǵan mereıtoıy jáne Shyǵys qyzdarynan shyqqan Keńes Odaǵynyń tuńǵysh Batyry Mánshúk Mámetovaǵa arnalǵan «Mánshúk – qaısar, qaharman» ániniń tusaýkeseri men qazaqtan shyqqan Keńes Odaǵynyń Batyrlary týraly jazylǵan «Ult batyrlary» kitabynyń tanystyrylymy bolyp ótti.
Musaǵalı Sabyrǵalıulynyń 50 jasyna Altaı men Atyraýdyń arasyn alyp jatqan keń baıtaq elimizdiń túkpir-túkpirinen elge syıly qurmetti qonaqtar kelip, aǵamyzdyń toıyna qatysty. Eldegi karantındik jaǵdaı bolmaǵanda budan da kóp qonaqtar keletini sózsiz edi. Sanıtarlyq jaǵdaıǵa baılanysty adam sany shekteýli boldy.
Aqtaý qalasynan osy keshke «Shaǵyraı» qory atynan arnaıy kelgen qurmetti qonaǵymyz Mánshúk Mámetovaǵa arnalǵan ánniń jazylýyna sebepker bolǵan azamat jáne «Ult batyrlary» kitabyna demeýshilik jasaǵan sport pen óner janashyry Aıtqalı Izmaqov esimi elge belgili jazýshy Pernebaı Dúısenbın men Musaǵalı Tasqalıevtiń birigip jazǵan «Ult batyrlary» kitabyn tanystyryp, Mánshúkke arnalǵan án avtorlary Musaǵalı Tasqalıev pen Oryngúl Ismaǵulovaǵa syı-sııapat jasap, Mánshúk urpaqtary atynan at mingizdi.
«Qos Shynar» Álııa-Mánshúk atyndaǵy qoǵamdyq birlestik tóraǵasy, «Qurmet» ordeniniń ıegeri, Aqtóbe oblysynyń qurmetti azamaty Ǵalymjan Baıderbes toı ıesine birlestik atynan «Álııa-Mánshúk» medalin taǵyp, Mánshúk ánine aq batasyn berdi.
Almatydan arnaıy osy toıǵa kelgen «Er namysy» qoǵamdyq birlestiginiń tóraǵasy Erbolat Alııadınuly mereıtoıǵa kelgen ataqty sportshylarǵa «Uly dala batyry» medalin tabys etti.
Qurmetti qonaqtar arasynda Astanadan kelgen Ońtústik Qazaqstan oblysynyń qurmetti azamaty, qazaq kúresin álemge tanytqan nar tulǵa Serik Adamuly Túkıev mereıtoı ıesin Dúnıejúzilik qazaq kúres federaııasynyń Altyn medalimen marapattap, qazaqtyń dástúrimen shapan jaýyp, at mingizdi.
Aqtóbe oblystyq dene shynyqtyrý jáne sport basqarmasy basshysynyń orynbasary Nurbol Sydyqov Musaǵalı aǵamyzǵa Aqtóbe oblysy ákiminiń birinshi orynbasary Nurjaýǵan Qalaýovtyń atynan Alǵys hat pen oblystyq sport basqarmasy atynan syı-sııapat jasady.
«Nevada-Semeı» halyqaralyq antııadrolyq qozǵalysy, Batys fılıalynyń dırektory, «Qurmet» ordeniniń ıegeri Izimǵalı Kóbenov Musaǵalı Sabyrǵalıulynyń 50 jasyna arnaıy jibergen álemge tanymal Oljas Súleımenovtyń Qurmet gramotasyn tabys etse, Aqtóbe oblysy boıynsha qazaq kúresinen shyqqan tuńǵysh sport sheberi, Áıteke bı aýdanynyń qurmetti azamaty, Q.Jubanov atyndaǵy Aqtóbe óńiraralyq memlekettik ýnıversıtetiniń qurmetti professory Zeınolla qajy Tóleýtaev sonaý Bishkekten jetken amanat, Qyrǵyzstandaǵy qazaq kúres federaııasynyń prezıdenti Nurqan Osmonalıevtiń atynan mereıtoı ıesine shapan jaýyp, «Jigerli dańq» ordenimen marapattady.
Atyraý oblysynyń Maqat aýdanynda 1942 jyly Komsomolsk degen aýyl qurylypty. Keıin ol jerden Narmondanaq degen munaı ken oryny ashylyp, aýyl el ekonomıkasynyń damýyna orasan zor úles qosady. О́kinishke qaraı, 2010 jyly sol yntymaǵy jarasqan aýyl munaı kóziniń tartylýyna baılanysty tarap ketipti. Sol aýylda týyp-ósken azamattar ózderiniń týǵan jerin umytpaı, 2019 jyly aýylǵa arnap eskertkish turǵyzady. Eskertkishtiń avtory – Batyrbek Qanbaev.
Aýyl azamattarynyń ótinishi boıynsha Musaǵalı Sabyrǵalıulynyń jubaıy Oryngúl jeńgemiz jaqynda sol jyrǵa án jazyp shyqqan bolatyn. Búgingi keshte sol ánniń de tusaýy kesilip, Batyrbek Qanbaev aǵamyz aýyl azamattary atynan án avtoryna rızashylyǵyn bildirdi.
Mereıtoı qonaqtary qatarynda bokstan álem chempıony Galıb Jafarov, djıý-djıtsýdan eki dúrkin álem chempıony Tynys Bısalıev sekildi esimderi alty alashqa tanymal sportshylar men Musekeńniń dostary, áriptesteri, óner ıeleri, «Sholpy» klýbynyń músheleri boldy. Olardyń báriniń esimin bul qysqasha aqparatta jazyp shyǵý múmkin emes. Bári de elge syıly azamattar, Alashtyń ıgi jaqsylary.
Quttyqtaýlar men syı-sııapatqa da san jetpeıdi. Musaǵalı Sabyrǵalıuly týyp-ósken Batys Qazaqstan oblysy, Kaztalov aýdanynyń ákimi A.Esalıev, «Sport juldyzdary» jýrnaly gazet bolyp shyqqanda eń birinshi sanyna aq batasyn bergen ardaqty azamat, búginde Aqtóbe oblysy, Yrǵyz aýdanynyń ákimi Á.Áýelbaev pen Atyraý aımaqtyq dene tárbıesi men sportty damytý ortalyǵynyń dırektory S.Jekenov ózderiniń quttyqtaý hattaryn jiberdi. Qysqasha aıtqanda aq tilekter aǵylǵan kún boldy!
Kesh barysynda Musaǵalı Tasqalıevtiń sózine jazylǵan ánder oryndalyp, mereıtoıdyń mereıin asha tússe, Oryngúl jeńgemiz otaǵasyna arnap jazǵan «Týǵan kún» ánimen shashý shashty. Musekeń de qarap qalmaı jeńgemizge arnap ózi áni men sózin jazǵan «Bir ózińsiń» ánin ózi oryndap berdi.
Osylaısha el úshin eńbek etip, sport pen ónerdi qatar alyp júrgen azamattyń erdiń jasy 50-ge kelgen mereıtoıy ótip, el alǵysyna bólendi. Musaǵalı Sabyrǵalıulyna kelgen jasyńyz qutty bolsyn, Alla Taǵala sizge bul ómirdegi bar jaqsylyqty násip etsin deımiz! Qajymas qaırat jáne shyǵarmashylyq shabyt pen tabys tileımiz!
Erkin SERIKQALIULY,
AQTО́BE
